Segafredo Zanetti Espresso (已結業)

好香慨咖啡吸引咗我入嚟，但飲落口，比 " M記咖啡" 還要差。首先，間鋪嘈到似街市，想靜靜哋 relax 下係無可能。第二，頭頂有幾部冷氣直吹半數嘅檯，擺明就趕客。第三，個場都幾 full, 但無人執檯。第四，high table 啲 high chair 只適合身高越過 1.7 米人仕，咁你不如寫不招待女生啦!!再講下啲食物，個牛角包真係唔知係隔夜貨定賣得太耐，完全唔 crispy 之餘，入口似 $3 個嘅街邊豬仔包，無牛油味丶無口感丶極難食。今次叫咗杯 latte mochiato, 三個 size 選擇，我揀咗 classic (medium)，我堂飲佢竟然俾紙杯我，仲要勁厚嘅紙，非常唔環保。店員解釋只有 small & large 會 serve coffee mug, 咁我落 order 時，你係咪要同我講聲呀！成杯咖啡完全無咖啡味，只有 cheap 奶味，奶泡溫度偏低，拖位咖啡溫度，加上紙杯束縛咗香味嘅散發，完全唔你 coffee shop 應有質素。