Cambo ขุนทอง (The ONE)

今日去The One 睇戏，时间尚早，又有点肚饿，一于喺商场揾啲嘢食医下肚啦。响4楼见到Cambo依间泰国餐厅，谂落又好似好耐无食泰国菜喇🤔。谂住唔好食太饱，一阵可以买个爆谷食住睇戏，点知食完都好饱添😅😅。生菜包（猪肉）：食泰国嘢当然要叫返个生菜包啦。Cambo有两个选择：猪肉/ 蟹肉+猪肉。我就拣返最传统嘅猪肉喇。味道好好，肉好juice，微微嘅辣味，再夹埋清新脆口嘅青瓜同豆角，好食😋😋。冬阴大虾汤粉：成个粉最重要就系个汤。Cambo嘅冬阴公汤底好好，辣得嚟有甜味同香茅味，唔系出面某啲泰国餐厅咁净系一味得个辣字。汤底咁好味，自然令成个粉都好好味道。👍🏻👍🏻泰式青咖哩软壳蟹锅：青咖哩锅底有d瓜同茄子，软壳蟹又跟埋煎香咗嘅薯仔，再跟埋法包，原来本身都好够食。我就衰为食，谂住叫得咖喱，叫埋个印式薄饼啦，就咁就叫多咗喇😔😔。虽然叫多咗，但个泰式青咖哩软壳蟹锅同印式薄饼好好食。一路食，一路拎住法包同薄饼点住甜甜嘅青咖喱，实在太好食嘅关系，唔觉唔觉就食哂成锅添🤣🤣。芒果糯米饭：最后又叫咗个食泰国菜必点甜品。同个泰式青咖哩软壳蟹锅一样，虽然都食得好饱，但又抗拒唔住芒果糯米饭嘅引诱。糯米饭都有分两色