六本木茶房

行行下The ONE想食野, 千揀萬揀就比呢間野吸引左(始終想食日式菜)

店既環境都係一貫雅致既設計,不錯

帆立貝拉麵

呢個拉麵係絕對地同餐牌既感覺唔同,
因為餐牌係好靚好大隻感覺好新鮮,
但真實既呢碗麵只係好細粒又唔鮮味
拉麵既麵質良好
選擇了醬油湯底, 但其實冇咩味道可言

蟹肉、蟹糕、蟹子拉麵

呢個拉麵就係一聽就覺得好吸引既!
不過又係失望的...
蟹肉、蟹糕、蟹子都係少量到不得了...
反而蟹柳就最大塊...
湯底都係冇咩味....

呢2個拉麵比我既感覺係呢間野外表同內在完全不一....
五十幾六十蚊個拉麵真係買環境(雖然都唔係好靚)

食完拉麵見到佢有promotion話可以加$16.8有個原價$30-50既甜品就緊係試下啦

黑胡麻

好既地方係佢整得都算好味, 差既地方就係...餐牌好大份但事實好細 - -"

***總結：其實講環境服務都可以，但不喜歡呢間野餐牌同現實相差得太遠，又唔係好味，唔划算