足足有老虎堂2倍！小編真心覺得香港人係繼日本人之後第二個喜歡排隊既民族
好啦，講返今日所見情況係冇尋日咁多人，始終首日幫襯會有20個star rewards送而今日就冇lu。加上今日黃雨警告、始終都係少左d人既。小編一入內就排隊買我想試既reserve undertow，排左唔夠5分鐘就到我啦，觀乎現場人士多數都對佢地既食物較有興趣多過咖啡，可能小編去幫襯既時間正值中午啦。
收銀員姐姐好有禮貌遞左個牌比我話杯咖啡有專人送黎wor，咁好招呼既，小編過往去既starbucks都係話知你死、自動自覺聽實d職員機關槍式嗌你杯嘢飲同你個名、你就好‘爛’去拎杯嘢飲啦。果然、旗艦店係唔同d既，好似係～
杯嘢黎到、嘩！屈機，我發現係冇咩人識嗌呢款嘢，身邊d甲乙丙丁都好似發現新大陸咁，又跟住話要嗌呢個
講下呢杯野係乜啦、佢係用double espresso既做法再加vanilla bean syrup落去、口感冇一般double espresso咁苦澀，飲落去好smooth、帶雲尼拿香味、再配杯清水比你清清口腔、仲有塊餅比你送住黎飲，真係好鬼過癮。搞到小編我現在已經心郁郁明天早上再去嘆下
