自助區的食物放得整齊乾淨，醬汁款式多，我最喜歡😘麻辣，香而不會過辣。用QR code點餐，冇漏單，上菜速度都好快，店員都好勤快的收碟之類的👍。
有8款湯底可選，我地就選了椰子泉水雞滋補下。套餐我哋選了SRF和牛肩胛肉。
其中SRF和牛肩胛肉眼芯最好食，紋理靚雪花平均，牛味重入口即溶，另外仲有澳洲草飼牛頸脊、封門柳、牛小排、牛板腱同安格斯一口牛，各款牛味重又有咬口，放題有咁好質素，認真贊贊。
海鮮選擇有新鮮嘅鮮蝦，沒有沙的花甲，很軟淋的鯇魚腩同海鮮拼盤。凍柜有丸類、蔬菜🥬、菇類擺放得井井有條。
自助區任取的熟食有手拍青瓜、咖哩魚蛋、雞翼、豬腳薑、炸魚皮、炸小丸子，鴨血都相當唔錯。台茶有白桃烏龍、甜點🍮有軟雪糕、豆腐花、仙草凍😋。
各食一件都己經飽到不行了😁，勁滿足的一餐。
