Pickabowl (D2 Place ONE)

营业中

休息中

由於病毒怪又再次喺六點後出現，全港市民冇得再食堂食，唯有周圍去附近餐廳搵外賣嘢食。D2 Place呢間Pickabowl裝修雅雅，有多款嘢食比客人Mix and match，有魚生有水果亦都有蔬菜，成個感覺勁清新同埋健康。由於有選擇困難症，我直接揀咗最多嘢食嘅夏威夷四重奏，三文魚同吞拿魚好新鮮，佢嘅味道同平時食刺身唔同，因為有醃過，幾特別。大蝦酸酸辣辣咁，好開胃，啲蝦仲好彈牙，另外牛油果配搭一啲都唔奇怪，一種Crossover但又唔會唔夾嘅感覺。另外仲配搭咗菠蘿同烏冬，沾烏冬應該係稻庭烏冬，份量都唔少，配搭其他配料勁Match，好似食緊極豐富嘅冷麵咁，好滿足。總括嚟講，呢間店嘅嘢食好特別，如果搵想食清新啲冇咁Heavy嘅嘢食，絕對值得一試。