629 淥易搞 (已結業)

Item: 629 淥易搞
Rating: 0
Author: lookeat_22

Shaking Kitchen

89 食记

味道

环境

服务

卫生

抵食

1279

太子

$51-100

粤菜 (广东) 海鲜

lookeat_22

等级3

上網見到係太子開左依間Shake Shake海鮮新餐廳，價錢都幾抵食，於是就黎試下。位置都幾方便一出地鐵站行2-3分鐘就到，餐廳環境唔算大，坐位都算舒服，我地8點到已經坐滿客人。坐抵之後建議大家盡落單，可能客人比較多，上菜都需要一點時間。我地叫左特色shake shake海鮮、Pizza 餅、雞扒鮮茄薯仔米線、涼拌拍青瓜、鹽酥雞。shake shake 海洋有龍蝦、鮑魚、基圍蝦、帶子，原本有叫象拔蚌，但係賣晒食唔到，另外仲有一個係shake 蔬菜同肉類，要左娃娃菜、粟米、雞肶菇、雞翼、豬扒、牛展。店員建議我哋海鮮揀青檸汁，蔬菜同肉類揀蒜蓉汁，分兩袋上。海鮮嘅青檸汁好香青檸味，味道清新，令到海鮮更加鮮甜。龍蝦肉質彈牙，鮑魚都算大隻厚身，食落口感彈牙，帶子夠大隻，基圍蝦雖然唔大隻，但都好新鮮好清甜，青檸汁除咗有青檸都有蒜蓉，所以味道酸得黎都有蒜香味，而且味道唔咸，令到海鮮更加鮮甜。另外一袋係蒜蓉汁，除左蒜蓉仲食到好香牛油味，同蔬菜食真係好夾。主食既鮮茄米線，蕃茄味超濃，湯汁濃到係將個蕃茄打成泥甘，超多蕃茄。Pizza 餅好似平時食開既蔥油酥餅，好香蔥味。小食係涼拌拍青瓜，個汁係泰國風味，似

上網見到係太子開左依間Shake Shake海鮮新餐廳，價錢都幾抵食，於是就黎試下。位置都幾方便一出地鐵站行2-3分鐘就到，餐廳環境唔算大，坐位都算舒服，我地8點到已經坐滿客人。坐抵之後建議大家盡落單，可能客人比較多，上菜都需要一點時間。
我地叫左特色shake shake海鮮、Pizza 餅、雞扒鮮茄薯仔米線、涼拌拍青瓜、鹽酥雞。shake shake 海洋有龍蝦、鮑魚、基圍蝦、帶子，原本有叫象拔蚌，但係賣晒食唔到，另外仲有一個係shake 蔬菜同肉類，要左娃娃菜、粟米、雞肶菇、雞翼、豬扒、牛展。
店員建議我哋海鮮揀青檸汁，蔬菜同肉類揀蒜蓉汁，分兩袋上。海鮮嘅青檸汁好香青檸味，味道清新，令到海鮮更加鮮甜。龍蝦肉質彈牙，鮑魚都算大隻厚身，食落口感彈牙，帶子夠大隻，基圍蝦雖然唔大隻，但都好新鮮好清甜，青檸汁除咗有青檸都有蒜蓉，所以味道酸得黎都有蒜香味，而且味道唔咸，令到海鮮更加鮮甜。另外一袋係蒜蓉汁，除左蒜蓉仲食到好香牛油味，同蔬菜食真係好夾。
主食既鮮茄米線，蕃茄味超濃，湯汁濃到係將個蕃茄打成泥甘，超多蕃茄。Pizza 餅好似平時食開既蔥油酥餅，好香蔥味。
小食係涼拌拍青瓜，個汁係泰國風味，似泰國沙律個汁混合左鎮江醋既感覺，酸得黎辣辣地，好開胃。鹽酥雞，最愛既鹽酥雞，炸到好脆好香口，雞肉係嫩滑，唔乾身。
海鮮種類都算多，但每日供應數量都有限，買晒就冇。