曼谷泰菜 (已結業)

以前返工都會經過呢間泰國餐廳都見幾多人食，突然間諗起所以決定去試下。唔知係咪落雨所以無咩人。鋪頭入面泰國姐姐都會講廣東話。無set lunch只有單點。點左個2人份p既冬陰功$88，同青咖喱蝦球$84加白飯$12。冬陰功湯入面只有蝦一種海鮮，仲要係得一隻同大量草菇。味道唔算好辣，可以話幾淡下。青咖喱好多汁用黎飯一流，但媽咪話偏甜，蝦都有7,8,9隻入面仲有泰式茄子蕃茄同豆角。碟白飯size足夠2個人食，如果唔太來食的話。其實好多野都想叫，可惜得2個人，唯有下次啦！