BKK

無意中發現PMQ開左間裝修得好靚好有格調嘅泰菜💖呢晚收工同朋友上咗去食晚飯🤓食完之後覺得呢度完全睇得又食得❤️Chargrilled Prawns Skewer虎蝦肉質爽彈牙，而且都幾大隻！已經剝晒蝦殼，啱晒我哋呢啲懶人食😚沙嗲醬汁甜甜地，有香濃嘅花生味🥜Crabmeat Fried Rice一上枱已經聞到好香噴噴啦🌟炒飯呈現金黃色，炒得乾身粒粒分明🤩每一啖炒飯都食到蛋、蔥粒、洋蔥粒勁香口🤤啲蟹肉都幾大嚿😌Pad See Ew和牛炒粿條aka高級版乾炒和牛河😆沙河粉口感帶點煙靭，和牛份量算多，肉味香濃！入邊有蛋、韭菜、芥蘭😉兩碟煮食都好有鑊氣，feel到有啲大排檔嘅風味🥰Khao Niao Mamuang煙靭嘅糯米飯暖笠笠，淋上甜甜鹹鹹椰漿😋芒果清甜多汁微酸，整體幾好味☺️Coconut Ice Cream竟然有泰國街頭椰子雪糕食😇椰子雪糕微甜，上面真係有椰子肉、粟米粒、花生粒💓另外我嗌咗杯新鮮西瓜汁，朋友叫咗杯日本啤酒🍻