127
23
4
等级1
4
0
黎过呢间餐厅3次, 第一次黎食lunch俾佢既装修同无敌维港景吓亲, 惊叹原来香港有咁靓既餐厅! 第二次黎食夜晚俾佢既服务吓亲, 果种专业同细心令在下对香格里拉呢个品牌留下深刻印像. 然後第三次黎, 就俾野食吓亲...在下未食过咁失败既法国菜, 果时lunch menu 玩新野, menu写左20几款材料, 客人自己简几款之後厨师用佢做主题去整一道菜式出黎, Concept系创新, 不过唔多Work, 完全唔好食, 自此决定以後唔再帮衬!不过, 最近得知佢地转左大厨, finally... 等到颈都长埋, 所以决定俾多次机会佢~ (今日的在下打倒昨日的在下, 哈哈) 而家大厨系Ricardo Chaneton, 佢来头唔细, 曾经出任意大利超出名餐厅Mirazur 既主厨 (呢间野而家拎紧两星, 世界排名第6).<叫野食同野饮>Weekend Lunch 每位盛惠$588, 包2个前菜, 一个主菜, 一个甜品~ 除左主菜6简1之外, 其余4简1, 所以一共384个组合, 食客总会简到自己锺意既菜式. 野饮方面, 餐厅做紧Wine Pairing, $88蚊一杯, 抵饮
更多
黎过呢间餐厅3次, 第一次黎食lunch俾佢既装修同无敌维港景吓亲, 惊叹原来香港有咁靓既餐厅! 第二次黎食夜晚俾佢既服务吓亲, 果种专业同细心令在下对香格里拉呢个品牌留下深刻印像. 然後第三次黎, 就俾野食吓亲...在下未食过咁失败既法国菜, 果时lunch menu 玩新野, menu写左20几款材料, 客人自己简几款之後厨师用佢做主题去整一道菜式出黎, Concept系创新, 不过唔多Work, 完全唔好食, 自此决定以後唔再帮衬!

不过, 最近得知佢地转左大厨, finally... 等到颈都长埋, 所以决定俾多次机会佢~ (今日的在下打倒昨日的在下, 哈哈) 而家大厨系Ricardo Chaneton, 佢来头唔细, 曾经出任意大利超出名餐厅Mirazur 既主厨 (呢间野而家拎紧两星, 世界排名第6).

<叫野食同野饮>

Weekend Lunch 每位盛惠$588, 包2个前菜, 一个主菜, 一个甜品~ 除左主菜6简1之外, 其余4简1, 所以一共384个组合, 食客总会简到自己锺意既菜式. 野饮方面, 餐厅做紧Wine Pairing, $88蚊一杯, 抵饮!

入到餐厅坐低之後, 酒师就主动问我地饮唔饮啲Bubbles (者系Champagne/ Rose/ Sparkling Wine), 在下心谂$88 蚊一杯, 平到喊, 喊到平, 咪叫两杯 “浪”下口罗 (之後就中大伏了…请看落去)~ 就咁样饮两啖香槟, order埋野食, 就开始今日呢个美食之旅~
120 浏览
0 赞好
0 留言
<FOOD>

Menu: Set Lunch

$588 per person

Bread 面包

面包
30 浏览
0 赞好
0 留言


面包
28 浏览
0 赞好
0 留言
一共有三款面包: Baguette (法包), Sourdough (分别有烟肉, Cereal, Plain), 同一个好香好软熟既面包 (唔记得叫咩名). 面包刚焗起, 边有唔好食既理由? 配上两款牛油, 一款正常, 一款紫菜味, 紫菜味果个几特别, 值得一试, 试试下在下都差唔多试左半旧~ 惨了... 牛油落肚就变肚腩了…

不过, 以面包黎讲, 喺置地既L A’talier de Joel Robuchon 先至系主场, 无论款式同味道都比呢度高几班.

Entrees Froidew 第一道前菜


Gillardeau Bourriche oyster, cucumber and lemongrass

法国生蚝配青瓜及香茅

法国生蚝配青瓜及香茅
35 浏览
0 赞好
0 留言
法国生蚝配青瓜及香茅
31 浏览
0 赞好
0 留言
品嚐面包後, 就到第一道菜: 生蚝~ Menu上既生蚝系法国蚝后Gillardeau, 不过由於供货问题, 转左做Bourriche. 呢款蚝海水味同金属味都几浓郁, 质地偏向creamy, after taste悠长 (食完之後阵金属味都盘留左喺口腔一段时间) 佢既creamy配埋底下既爽脆青瓜片, 仲有再底下既茅屋芝士, 形成强烈对比, nice!

而家系夏天, 所以菜式偏向light啲, refreshing啲, 而青瓜就系其中一样好材料. 成道餸都有青瓜既踪影, 有彰显刀工既超薄切青瓜 (2块喺生蚝下面, 一块卷住左, 1块放面), 有切粒既青瓜粒, 最後仲有现场淋上去既青咇咇香茅青瓜汁. 生蚝既海洋味道, 加上青瓜既仙气, 仲有似有还无既香茅, 成件事真系好refresh, 好有清风送爽既感觉.

题外话, 一个月前喺Amber都食左一道生蚝菜式, 当时配既唔系青瓜, 而系青苹果, 两者比较之下, 似乎Amber处理得更好 (青苹果用冰既形态呈上, 连温度都玩埋), 不愧为全球排名二十既餐厅!

Bullshit 小插曲:

当呢道菜黎到面前, 在下形住只蚝唔似Gillardeau, 就好奇问下侍者只生蚝系咩品种, 佢话唔肯定, 入番厨房问大厨, 出黎答在下: 今日Gillardeau唔靓, 所以转左做 “Bullshit”… 在下呆左, 但由於佢讲得唔系太清楚, 加上在下唔信佢讲操口, 所以不耻下问叫佢讲多次, 佢一面尴尬, 一面再放轻声量讲多次 “Bullshit….”

在下同友人都笑左, 心谂究竟系侍者玩我地, 定大厨玩侍者, 天下间真系有种生蚝叫bullshit??? 返到屋企上网搵, 原来唔系bullshit, 系Bourriche~ 读音相近, 不过个che音轻好多, 难怪难怪~

Entrees Chaudes 第二道前菜

Pan-seared scallop, rainbow carrot and blood orange sauce (推荐!)
香煎带子配彩虹萝卜及血橙酱汁

香煎带子配彩虹萝卜及血橙酱汁
30 浏览
1 赞好
0 留言
友人继续海鲜菜式, 稳打稳阵简左煎带子. 卖相吸引, 两只带网纹既肥美煎带子, 五颜六色唔同品种既萝卜, 仲有鲜艳既血橙汁, 未食都流晒口水. 在下偷食左少少带子, 高水准之作! 外面微脆, 入面温暖, 带少少糖心, 而带子味既浓郁程度系在下食过之中数一数二.

Frog let “a la Francaise”, parsley and Lautrec garlic

法式田鸡腿配香叶菜头及香蒜

法式田鸡腿配香叶菜头及香蒜
36 浏览
0 赞好
0 留言
法式田鸡腿配香叶菜头及香蒜
30 浏览
0 赞好
0 留言
一向锺意挑战既在下, 明知山冇虎, 偏不向山行, 所以冇简必然好味既带子. 田鸡在下食得多, 不过全部都系中式食法, 例如煲汤同煲仔饭. 久闻法国人整田鸡都有两手, 难得呢度又有, 即管试一试咩来头.

一上到枱又系好吸睛, 食物一直线排队, 又緑又黄又白. 田鸡脾全部都系炸过, 肉冇话特别浓味, 跟以往食过的其实分别不大, 一赞既系佢地厚肉好多, 果然饮外国奶水系有营养好多~ 配菜香草 (番茜)化身成香草泡泡同香草乾 (类似香草海绵蛋糕), 叫做用黎清下味蕾. 蒜头puree同 Parmesan Cheese 薄片既咸香丰富番成个餸既味道, 令成件事冇咁寡.

总括黎讲, 法国田鸡, 值得一试, 不过试过就算了, 下次黎都系叫番带子… 始终条脷紧要啲, 冒险精神呢啲野, 都系留番有钱时再拥有…

Plats Principaux 主菜

Roasted Lamb rack, ricotta cheese and Brussels sprout (推荐!)

烧羊架配芝士及迷你棷菜

烧羊架配芝士及迷你棷菜
35 浏览
0 赞好
0 留言
上网见个个都话羊架好食, 而且问侍者有咩主菜好推介时, 佢都话呢个羊同烩牛面珠最多人叫. 友人至爱羊架, 所以又简左呢个稳阵之选. 当然, 在下又打税, 试食左一细啖!

侍者推介左四成熟 (umum, 者系 medium rare medium). 果然, 上到枱又系一份超高质既羊架! 首先讲火候, 的确做到所谓既四成熟, 冇medium rare 里面既生肉, 又唔会似medium里面全pink, 介乎生同熟既中间, 超高手! 肉嫰不在话下, 羊肉香带点点羊羶, 调味刚刚好, 呢两件羊架在下俾满分!

配菜有茅屋芝士同小棷菜, 前者在下冇试到, 後者有啲韧 (啲小棷菜可能只系随意灼左一下), 不过重点在羊, 佢既光茫已盖过一切… 包括在下既主菜…

羊架好食一早估到, 估唔到既系咁鬼好食! 惊喜是也~

“Volaille Fermiere” Girolles and Albufera sauce

法国鸡肉配鸡油箘及鸭肝汁

法国鸡肉配鸡油箘及鸭肝汁
24 浏览
0 赞好
0 留言
在下本身都想简羊架… 不过又攞黎贱, 想试新野, 挑战一下其他主菜 (其他五款为Seabass海鲈, Mackerel鲭鱼, Lobster龙虾, Beef Cheek 牛面珠, 同埋法国春鸡

牛面珠系烩既, 一定够淋够入味, 惊喜应该唔大.

海鲈鱼既肉质在下不嬲麻麻…

烧鲭鱼…更加唔驶讲, 丼丼屋都有得卖

龙虾系吸引既, 但发挥唔大. 龙虾既重点系佢既淡淡既鲜味, 为左唔好抹杀佢, 大厨应该都系简单poach 佢.

唯有系鸡~ 鸡~ 全部都系鸡~ 配埋诱人鸭肝酱汁, 所以好奇心驱使下, 就用上在下心爱既羊架赌一铺啦.

鸡胸果然一啲都唔鞋, 不过系意料之内, 嫰得黎带少少粉, 鸡味则一般, 幸好香浓既鸭肝酱搭救, 令成件事昇华, 至於鸡脾就好嫰滑啦, 鸡皮亦烤得够脆, 挺hao der~

配菜鸡油箘份量俾得大方, 食埋佢地都差唔多7成饱. 而细节位系青色果几点, 佢地系青柠酱, 味道带酸, 食到中途点少少黎食, 油腻中给一点清新 (只鸡, 鸭肝酱, 鸡油箘三者都系性感油物), 见微知着, 抵赞~

不过, 若然俾在下再简一次, 唔驶问啊贵, 羊架!

Fromage et Desserts 甜品或芝士

Raspberries, lychee and lavender

红莓, 荔枝及薰衣草

红莓, 荔枝及薰衣草
30 浏览
0 赞好
0 留言
在下无缘试食呢个甜品, 友人话佢好香荔枝同薰衣草味道, 不过甜左少少…

Artisan cheese selection by Maitre Affineur Bernard Antony

精选法国芝士

精选法国芝士
24 浏览
0 赞好
0 留言
在下当然简最爱既芝士, 不过唔系太记得果3款叫咩名, 依希记得中间果只叫The Mont, 最左面果只系Goat Cheese. 不过佢地一啲都唔平易近人, 完全唔易入口, 其中中间果只连闻落去都有挑战性… 虽然食落还可以, 但始终重口味, 或者法国人会好欣赏, 不过黎到香港, 大厨会唔会稍为调教一下口味呢~??

值得欣赏系佢既配套, 少少三块芝士, 有齐晒青红提子, 合桃, 果仁, 杏甫, 果酱, 巧克力架, 面包 (2块有nuts & raisins, 2 块系plain). 或者餐厅都知道佢地啲芝士唔系人咁品… 所以俾多啲野你, 易入口好多.

喺芝士环节, 又系L’ Atalier de Joel Robuchon 技胜一筹.

Petit Four


Raspberry ball, Chocolate, Madeleine

流心红桑子波波, 朱古力, 贝壳蛋糕

流心红桑子波波,
18 浏览
0 赞好
0 留言
朱古力, 贝壳蛋糕
28 浏览
0 赞好
0 留言
朱古力同贝壳蛋糕系正常野, 反而粒流心波几过瘾, 一放落口就爆开, 流晒啲红桑子汁出黎, 欣赏佢唔太甜, 令成件事好refresh~

<DRINK>

Sparkling Water - Badoit

$95 per bottle

有气矿泉水, 预左俾人掠既~

Champagne – Pierre Peters, Blanc de Blancs, Reserve Oubliee, NV

$300 per glass x 2

呢杯野真系唔话得啦…贵到啊妈都唔认得~ 本身以为佢系Wine pairing $88 蚊, turn out $300一杯…饮2杯够在下食多个Lunch… 令到成餐饭out 晒budget!

不过, 谂番转头, 人地唔系开善堂, 咁靓既餐厅成餐饭收你$588??? 少年, 真系太天真了… 对… 在下那一刻真系天真了…讲番杯香槟, 收得你3旧水一杯仔, 点都俾番啲野你, 闻落好香, 饮落都好易分得出唔系cheap野, 少少偏甜,啱晒成个大细路既友人.

Red Wine – Pinot Noir (在下), Cabernet Sauvignon (友人)

$88 per glass x 2

特登同酒师order每人一杯wine 衬番个 main course. 比起香槟, wine pairing既价钱每杯争成2旧水, 你话有冇分别?? 当然有啦! 呢两杯红酒普通到唔普通, 在下既pinot noir 还好, 都叫match到只鸡, 友人果杯则淡而无味 (即管当我地唔识欣赏吧)

酒呢方面, 还是Amber同 Robuchon 既强项~

Coffee or Tea- Single Expresso

$70 per each x 1

<OVERALL COMMENTS>

野食野饮COMMENTS

论本身味道Petrus真系唔差, 有啲菜式更加令人眼前一亮 (带子及羊架), 不过若然要比, 佢的确拍唔上Amber 同L A’talier de Joel Robuchon, 少左份惊喜连绵. 不过已经好过之前好多, 今次就算冇A都有一定B+.

略有不足既系呢度冇Amuse Bouche (开胃菜), 一黎就直接上第一道菜. 虽然冇明文规定话一定要有, 但当其他高级法国餐厅都有提供时候 (Amber 足足有四款, 呢啲就系人有我优), 而家系人有你冇, 感觉被比下去了.

之不过, 强调一下, Petrus既着眼点应该放喺用餐环境, 所以今次啲野食质素算超晒班.

服务COMMENT

服务都系呢间餐厅既强项, 在下上到56楼时, 友人去洗手间, 在下就喺走廊等住先, 酒师Johan离远见到在下, 特登走埋黎打招呼, 吹两嘴, 然後等埋友人出黎再escort我地入餐厅. 佢喺呢餐饭都担当左一个好重要既角色, 除左本身佢好专业, 介绍每款酒既时候都有纹有路, 头头是道, 而且仲好好人, 耐心教我地点样去欣赏啲香槟泡泡同埋解释点解同一枝香槟斟出黎但一杯多泡, 一杯少泡. 重点佢系鬼, 成件事高级晒~

每道菜都会有侍者主动黎问你啲野啱唔啱食, 很好! 不过有啲位要注意番, 有时个客剩系食左一细啖配菜, 连主菜都未食, 就黎问啱唔啱食, 你叫人地点答呢? 食完主菜後大厨Ricardo 出黎亲自同每一枱客打声招呼握下手, 在下很欣赏, 起码在下有机会多谢佢整个羊架同带子咁出色.

另一个亮点系楼面员工同枱既比例, 已经超越1:1. 当日好似得四枱客, 但员工只少有5位, 人钉人都得啊!

不过似乎有一两个新员工/ 实习生, 服务未够纯熟, 要多啲时间train一train, 练一下presentation skill (就系同我地讲bullshit果位人兄~哈哈)

环境COMMENT



如果要数香港最靓既餐厅, 肯定系呢度! 餐厅叫做分两层, 第一层既枱全部对住落地玻璃, 无敌大维港景, 完全冇遮无挡. 第二层既要行几级楼梯上去, 望番海景果面时因为有高度相差, 所以第一层既枱唔会block晒个景, 细心既设计. 而且分两层, 俾人感觉好高级.

除左个景, 装修都系冇得输, 典型高级法国餐厅格局, 无论地毡, 墙纸, 吊灯, 枱櫈, 都散发着西方古典气息, 最欣赏系枱同枱之间既距离, 米半至两米一定有, 私隐100分!

容许在下俾少少意见, 餐厅似乎开始有点历史, 或者系时候翻新一下了.
121 浏览
0 赞好
0 留言
抵唔抵食?

如果以$588 for 4个courses黎讲, 唔饮酒既, 当然系超值, 不过去得呢啲餐厅, 好少唔叫酒. 本身谂住叫多两杯wine pairing, $88 per glass, 都系每人$800几蚊埋单, 倘可接受. 不过…唔知鬼掩眼定俾鬼呃… 竟然叫左2杯香槟, $300一杯, 咁样就唔多抵啦…

人地Amber个Weekend Wine Lunch, 虽然索价$900几, 不过已包左4杯酒!

做个比较

以下用Amber 同 L’ Atalier de Joel Robuchon 黎做一个比较, 倘若大家有special occasion, 要搵间高级法国菜而budget系每人大概千松啲既话, 可以考虑一下呢三间既lunch (佢地系在下暂时认为全香港最好既3间法国餐厅, 当然, 下个月在下会去埋Caprice@四季酒店, 三甲位置随时有变).

Amber @ 置地文华既weekend wine pairing courses: 6个courses加Amuse Bouche, 包4杯酒, 每位埋单大约$1,200

L’ Atalier de Joel Robuchon, 5 个courses 加Amuse Bouche, 叫左枝$800既靓酒, 每位大约$1,400

Petrus @ 港香: 4 个courses, 1杯香槟加1杯红酒, 每位大约$1,200

> Better than, >> Much Better than
食物质素: Amber > L’ Atalier de Joel Robuchon >> Petrus
用餐环境: Petrus > Amber >> L’ Atalier de Joel Robuchon (坐bar 枱)
服务质素: L’ Atalier de Joel Robuchon > Amber = Petrus
注意: 呢三间餐厅本身都好多高分 (Experience 都属A+ 水平), 上面只系夹硬帮佢地分grade拉curve~

多谢友人赏脸饭局, 上次同佢食左间意大利菜AVA (难食到喊…), 今次食番餐好既补数~ 下一餐约定你: 超正北欧菜FINDS @ The Luxe Manor Hotel~
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2016-08-07
用餐途径
堂食
人均消费
$1200 (午餐)
推介美食
面包
面包
法国生蚝配青瓜及香茅
法国生蚝配青瓜及香茅
香煎带子配彩虹萝卜及血橙酱汁
法式田鸡腿配香叶菜头及香蒜
法式田鸡腿配香叶菜头及香蒜
烧羊架配芝士及迷你棷菜
法国鸡肉配鸡油箘及鸭肝汁
红莓, 荔枝及薰衣草
精选法国芝士
流心红桑子波波,
朱古力, 贝壳蛋糕