樂園魚旦專家 (電氣道)

营业中

休息中

放完長假之後就係輪到博命番工嘅日子，日日都要OT無時停，放工果時已經好夜，所以想就咁食碗麵快快番屋企抖下。公司附近有間麵店，平平地一碗麵，就入左去食。.肚肺魚旦河 $41我叫左碗肚肺魚旦河，湯底加左腩汁，魚旦幾爽口彈牙，仲有啲魚肉鮮味，食落一啲都唔粉，似係落足料去整。牛肚煮得好入味，吸收哂腩汁嘅味道，幾易入口又唔會黐牙。牛肺就煙煙韌韌，三款整得幾出色。我就揀左河粉麵底，起碼唔會散收收，煮到淋哂，而且都幾掛湯，成碗麵$41 咁足料，都幾物超所值。要OT個人已經好灰，但起碼食左碗幾好食嘅河粉，算係安撫左我少少灰心嘅心情。