影片
更多
2021-02-26
962 浏览
每次都係晚市最後一刻搵嘢食🥶，我哋9:15pm去到食肆眾多嘅希雲街，兜完個圈最後決定食呢間。一入到去就被店內工業風🔨嘅裝飾吸引，柔和嘅燈光增添咗啲啲浪漫嘅感覺，整體環境好舒服。我哋叫咗個精選二人晚餐，包兩杯濃湯及飲品。🍽 至尊無邊全天早餐 $128一上枱就俾個雲石碟吸引咗😍，真係如同菜式名一樣無邊，好適合打卡。呢個all day breakfast份量算大，炒蛋、粟米、茄汁豆同沙律都俾得好多。德國腸同煙肉🥓都中規中矩，煙三文魚好食可惜只得一塊。牛角包🥐口感外脆內軟，可惜欠缺牛油香，反而個粟米就有濃濃嘅牛油香味🧈，比較突出。要彈嘅係個啡菇唔知點解有陣苦味，我食咗一啖就無再掂過。而個茄汁豆同外面其他餐廳唔同，比較乾身同杰，無咩流動性，唔係難食但我哋食唔慣呢個口感🙈，都係比較鍾意多啲醬汁嘅茄汁豆。👅評分：7/10🦐 海虎蝦雞粒番茄汁意大利飯 $128呢個risotto真係做得超級入味，基本上每一粒飯粒都掛到番茄汁🥫。而個汁偏酸，入面食到好多番茄🍅，好濃好濃嘅番茄味。🦐海虎蝦有三大隻，肉質都算彈牙。個飯入面仲有好多雞粒，俾料俾得足，份量偏多，食到好飽。可惜略嫌味道有啲啲單一，整體食完可能會覺得
🍽 至尊無邊全天早餐 $128
一上枱就俾個雲石碟吸引咗😍，真係如同菜式名一樣無邊，好適合打卡。呢個all day breakfast份量算大，炒蛋、粟米、茄汁豆同沙律都俾得好多。德國腸同煙肉🥓都中規中矩，煙三文魚好食可惜只得一塊。牛角包🥐口感外脆內軟，可惜欠缺牛油香，反而個粟米就有濃濃嘅牛油香味🧈，比較突出。要彈嘅係個啡菇唔知點解有陣苦味，我食咗一啖就無再掂過。而個茄汁豆同外面其他餐廳唔同，比較乾身同杰，無咩流動性，唔係難食但我哋食唔慣呢個口感🙈，都係比較鍾意多啲醬汁嘅茄汁豆。
👅評分：7/10
至尊無邊全天早餐
$128
46 浏览
0 赞好
0 留言
🦐 海虎蝦雞粒番茄汁意大利飯 $128
呢個risotto真係做得超級入味，基本上每一粒飯粒都掛到番茄汁🥫。而個汁偏酸，入面食到好多番茄🍅，好濃好濃嘅番茄味。🦐海虎蝦有三大隻，肉質都算彈牙。個飯入面仲有好多雞粒，俾料俾得足，份量偏多，食到好飽。可惜略嫌味道有啲啲單一，整體食完可能會覺得滯，但味道係算唔錯的。
👅評分：7.5/10
海虎蝦雞粒番茄汁意大利飯
$128
46 浏览
0 赞好
0 留言
🍹 冰凍Oreo朱古力奶 $18 (套餐價)
飲朱古力一定係飲cream先，好多cream真係好正，幾肥都無所謂！杯嘢加咗cream同oreo碎增加咗口感，整體飲落偏甜，但最後尾啲冰🧊溶咗先中和返甜度。
👅評分：7.5/10
🍹 藍莓菠蘿梳打特飲 $18 (套餐價)
呢杯嘢飲造型真係好打卡able📸，上面應該係藍莓味🫐，下面係菠蘿味🍍。一路飲嘅話，燈泡入面嘅飲料就會被吸落嚟，好得意哈哈。整體飲落好清爽，甜度剛剛好，係一杯好適合大熱天時嘅特飲。
👅評分：8/10
冰凍Oreo朱古力奶、藍莓菠蘿梳打特飲
$18
45 浏览
0 赞好
0 留言
🥣 粟米濃湯 (餐湯)
特別想讚一讚個濃湯，因為真係好濃嘅粟米味🌽，唔係街邊買罐頭或者粉沖出嚟嘅感覺。入口好順滑，真係飲到停唔到，好好飲！
👅評分：9/10
粟米濃湯
41 浏览
0 赞好
0 留言
张贴
