Bored Garden (已結業)

自從東鐵線金鐘站開通後，我真係多咗出港島區搵食，所以呢就約咗朋友去中環行街街啦，每次去親中環呢就必定會行Donki，由DONKI沿路行上去都幾多餐廳食肆🍴，見到有間叫「Bored Garden」漢堡包店，而佢係以NFT做主題的餐廳🍴，依啲燈光呢度霓虹feel嘅🤩。鴨肝牛肉漢堡材料有鴨肝、牛肉漢堡扒、蕃茄、洋蔥、生菜而最特別係個草莓🍓醬汁。期間限定嘅萬聖節雞漢堡個包係黑色好有萬聖節氣氛、內有雞扒、生菜、洋蔥等。脆皮薯條個薯條真係名副其實好脆皮，好好味😋。