麥當勞 (已結業)

上次同媽咪行到攰攰地入黎坐坐,cafe呢邊有啲梳化都幾好坐的,叫左杯mochaccino,medium同grande好似差兩三蚊,梗係要grande啦!嘩原來真係好大杯架!!有成個湯碗咁大,哈哈!仲送曲奇一塊!本來冇乜期望,出奇地又唔差喎,啲泡好滑,雖然朱古力味蓋過左咖啡味,又甜左少少,但整體都唔錯,$22係好抵既! 另外响cafe呢邊係可以叫快餐野食的,媽咪都買左包薯條,話時話,而家麥記啲薯條真係差咗好多,以前返學有人食麥記遠遠都實聞到陣薯條味,而家唔知點解冇左陣香味又淡茂茂,唔好食!