糖百府 (已結業)

今日day-off﹐專登下午時間出去MK搵嘢食，平時真係唔會亦都唔想去呢個地方！今日weekday放假就諗住人少D啦，點知都係人頭湧湧，好得人驚！本來諗住去隔離食完點心先過嚟食冰架，不過有人突然話唔想食點心，所以就食冰先囉，又好，無乜所謂！我on the way 嚟嘅時候見到黑布街果間已經有人等緊位，好彩廣華街呢間唔使等位啫！我之前未食過呢D棉花冰架，見近期咁HIT天氣又咁熱，咪拉埋大嚿一齊去食囉，不過佢之前喺上海食過喎...一去到坐低，首先佢就點左個menu上嘅預設配搭"朱古力冰"，配料好似係朱古力樹皮、朱古力醬、香蕉、椰果同棉花糖....而我就當然係自選啦...我都未揀完，朱古力冰就嚟到喇，咁我就緊係食咗先啦，驚佢溶吖嘛...一試，D冰又真係幾似雪糕喎，朱古力味都幾重，不過食食吓，點解無棉花糖架呢? 但係佢D配料喺晒最底，唔食到尾都唔知無，之不過都食到底啦，問佢哋容乜易佢當我哋食晒扮無喎，咁就算啦！蝕咗！而我最終就揀咗牛奶冰+煉奶+粟米片+芒果+士多啤梨+黑珍珠+小丸子+水晶條，睇落好似好多咁，事實上每款配料份量都真係好少，所以一D都唔多囉！個人覺得呢D冰係幾得意嘅，比雪糕優勝之處