咩記打邊爐

MK以前都都有幾間羊肉邊爐，但近幾年真係執咗好多。出面一般打邊爐都好少有羊肉揀，難得行過見到就上去試吓。裝修仲算新淨應該開咗冇幾耐。閒日都算幾好生意，入座爆滿。

今次叫咗三款羊肉試試😝羊上腦羊味比較淡，高鈣脂肪比較多入口嫩滑d，羔羊肉羊味比較濃但又唔羶。另外仲有加咗珊瑚蚌同第一次食嘅黃喉，爽口又有嚼勁！