影片
更多
2020-02-28
89 浏览
「有Live 聽, 好relax 既 Happy Pre-Friday 」- Mini Friday (觀塘)約左朋友係觀塘食晚飯，見到mini Friday 個威靈頓牛柳好吸引，加上之前係mini Friday 食過lunch 唔錯，所以就去試下啦～ 餐廳氣氛都唔錯，8點左右就有live band 有歌聽，都幾relax!DIY Pasta ($148)揀左個DIY pasta set, 有沙律，蘑菇湯，主食，甜品同餐飲，$148都幾抵食。想講講個沙律入面係有爆珠，好過癮。個主食可以自己揀個source , pasta 同配料，仲可以加錢加餸添呀！因為唔想太濟，我地揀左個鮮蕃茄汁大啡菇天使麵。鮮蕃茄汁酸酸甜甜好開胃，仲有車厘茄仔、大啡菇就切到條狀，好鮮味好juicy、天使麵就正正常常，配埋個蕃茄汁就好好味！估唔到自選 pasta 都可以咁好味！皇牌威靈頓牛柳 （$288）最近見到好多人都post 威靈頓牛柳，搞到我都心郁郁想去試食。個酥皮有啲厚，酥皮同牛柳中間有菇、黑松露夾住，可能中間材料比較大粒同唔乾身，令到個酥皮同牛柳好易分開，搞到好似淨係食到個酥皮/牛柳。不過個source係特
約左朋友係觀塘食晚飯，見到mini Friday 個威靈頓牛柳好吸引，加上之前係mini Friday 食過lunch 唔錯，所以就去試下啦～ 餐廳氣氛都唔錯，8點左右就有live band 有歌聽，都幾relax!
DIY Pasta ($148)
揀左個DIY pasta set, 有沙律，蘑菇湯，主食，甜品同餐飲，$148都幾抵食。
想講講個沙律入面係有爆珠，好過癮。
個主食可以自己揀個source , pasta 同配料，仲可以加錢加餸添呀！
因為唔想太濟，我地揀左個鮮蕃茄汁大啡菇天使麵。鮮蕃茄汁酸酸甜甜好開胃，仲有車厘茄仔、大啡菇就切到條狀，好鮮味好juicy、天使麵就正正常常，配埋個蕃茄汁就好好味！估唔到自選 pasta 都可以咁好味！
皇牌威靈頓牛柳 （$288）
最近見到好多人都post 威靈頓牛柳，搞到我都心郁郁想去試食。個酥皮有啲厚，酥皮同牛柳中間有菇、黑松露夾住，可能中間材料比較大粒同唔乾身，令到個酥皮同牛柳好易分開，搞到好似淨係食到個酥皮/牛柳。不過個source係特別既-有酒香味。雖然講到酥皮同牛柳分開，但個牛柳係整得幾好味既，唔會好韌，好有肉汁🤤個酥皮面係脆既，但個底有啲厚，不過有好香既黑松露味。整體黎講，呢個威靈頓牛都算ok，不過試一次就夠。
🍽7/10
张贴
