158
13
1
等级3
33
1
2020-01-30 862 浏览
呢间过江龙MAMADAY由铜锣湾开店开始BOOKMARK,一直未有机会去,终於系尖沙咀开左分店实在太好。预左多人,所以打个电话去BOOK位先,但都系太受欢迎,早两个礼拜打去到只系BOOK到八点个SECTION。当日早左少少到,系门口企左一阵都未有职员得闲理会。终於有个职员行埋黎, 讲话BOOK左枱,佢回应未够钟,叫我地门口等一等,但当时餐厅里面仲有几张吉枱。到左八点,餐厅打电话黎通知有位,觉得好奇怪,刚才已经同职员报左到,然後我就企系门口,都唔行出黎叫人入坐。最後安排左吧枱,枱面有好多得意既罢设同植物。坐低左都冇人比餐牌我地..要自己拎。餐牌既选择都几丰富,有意粉,炖饭,PIZZA,小食,甜品...而且菜式设计好特别,真系样样都想试晒佢,好难拣啊最後叫左:中国芝士南乳配西方芝士加肉碎咁罗PIZZA想像中以为系PIZZA饼底搽南乳酱,黎到原来系用左南乳去煮啲肉碎。南乳加芝士呢个组合几特别,但唔算好夹。PIZZA饼底系薄批,焗完出黎香口脆卜卜,食晒成个都唔怕滞,但就稍微燶左少少。玉子豆腐豆浆蟹肉炖饭惊唔惊呢个炖饭卖相有惊喜。用豆浆取代奶油黎做炖饭,出黎效果清新好多。饭煮得刚刚好,唔会太湿或
更多
呢间过江龙MAMADAY由铜锣湾开店开始BOOKMARK,一直未有机会去,终於系尖沙咀开左分店实在太好。

预左多人,所以打个电话去BOOK位先,但都系太受欢迎,早两个礼拜打去到只系BOOK到八点个SECTION。

当日早左少少到,系门口企左一阵都未有职员得闲理会。终於有个职员行埋黎, 讲话BOOK左枱,佢回应未够钟,叫我地门口等一等,但当时餐厅里面仲有几张吉枱。
到左八点,餐厅打电话黎通知有位,觉得好奇怪,刚才已经同职员报左到,然後我就企系门口,都唔行出黎叫人入坐。
最後安排左吧枱,枱面有好多得意既罢设同植物。
14 浏览
0 赞好
0 留言

9 浏览
0 赞好
0 留言

6 浏览
0 赞好
0 留言


坐低左都冇人比餐牌我地..要自己拎。
餐牌既选择都几丰富,有意粉,炖饭,PIZZA,小食,甜品...而且菜式设计好特别,真系样样都想试晒佢,好难拣啊


最後叫左:
10 浏览
0 赞好
0 留言

中国芝士南乳配西方芝士加肉碎咁罗PIZZA
想像中以为系PIZZA饼底搽南乳酱,黎到原来系用左南乳去煮啲肉碎。南乳加芝士呢个组合几特别,但唔算好夹。PIZZA饼底系薄批,焗完出黎香口脆卜卜,食晒成个都唔怕滞,但就稍微燶左少少。

10 浏览
1 赞好
0 留言

玉子豆腐豆浆蟹肉炖饭惊唔惊
呢个炖饭卖相有惊喜。用豆浆取代奶油黎做炖饭,出黎效果清新好多。饭煮得刚刚好,唔会太湿或者太黏,但系调味落得好唔均匀,有几啖太重胡椒味。炖饭配料主要系菇同洋葱,冇乜蟹肉系里面,整体味道唔算太鲜甜。玉子豆腐炸得好香口,如果再厚切少少口感应该会再丰富啲。成个炖饭最惊喜系有个酿蟹盖
表面炸得好香,入面蟹肉好鲜甜。

14 浏览
0 赞好
0 留言

非一般一般柠檬果皮乌龙茶沙冰
呢个绝对唔系普通柠檬茶!原来柠檬同乌龙茶出黎个化学效果系咁好既
再加上少少陈皮吊味,成杯野味道好特别好清新,值得一试!

11 浏览
0 赞好
0 留言

溶掉了的棉花糖咖啡
呢一杯卖相相对优胜
烧熔左既棉花糖浮系咖啡上面,就咁睇都觉得好饮。热饮杯既设计亦都好有玩味。饮落比较甜少少,啱唔钟意太重咖啡味既人。

食完主菜谂住叫埋个甜品,点知又发生左个小插曲...原本想叫件蛋糕食,点知两款都卖晒

咁就叫左个紫薯窝夫,结果一等就等左45分钟

中间,大概ORDER左20分钟,有个职员行埋黎问LAST ORDER有冇野加,就同左佢讲有个窝夫未黎,佢哦一声之後走左,应该都冇帮我地跟。
等到30分钟都仲未有,想再搵职员追下,但大部份人都忙住执拾收舖,而唔系SERVE客人。等左一阵终於搵到个职员,佢有走入厨房帮我地望,但冇覆返我地咩情况。再等多十几分钟,已经想搵个职员讲话唔要,突然就有喇~世事想系往往都系咁
其实第一ROUND ORDER既炖饭已经系等左成30分钟...估唔到窝夫更耐...早知唔叫...

6 浏览
0 赞好
0 留言
紫薯窝夫
相比起之前食既创意料理,呢个甜品显得比较普通。原味窝夫口感唔错,外脆内软,甜度适中。配料有紫薯蓉,士多啤梨雪糕同埋炼奶,普普通通,士多啤梨雪糕系好假果种香精味。

总结一下,食物既味道系唔错既,餐牌既选择都好多,可以再战。但餐厅既运作同服务真系可以改善下。希望今次系个别例子。
(以上食记乃用户个人意见 , 并不代表OpenRice之观点。)
张贴
评分
味道
环境
服务
卫生
抵食
用餐日期
2020-01-21
用餐途径
堂食
人均消费
$225 (晚餐)
推介美食
  • 非一般一般柠檬果皮乌龙茶沙冰