Maki拉麵 (已結業)

身為一個芫茜控，見到依間餐廳竟然有得食芫茜拉麵，即刻約朋友去食番餐。入到餐廳店員非常細心介紹近期新推出嘅幾款拉麵，服務一流。黑蒜油豚骨拉麵（⭐️⭐️⭐️⭐️💢）朋友第一次食，於是嗌左一款經典拉麵款式試下餐廳嘅質素。食物一到，我地都「嘩」咗一聲，俾塊大紫菜嚇親，個size足足有兩隻手板咁大好啱打卡。朋友嗌左粗麵走蔥，餐廳自製的麵條咬落確實硬身彈牙，配合湯底味道醇厚，濃濃的蒜油味非常吸引。另外，叉燒亦入味軟糯，差啲嗌多兩塊過下口癮。芫茜豬骨湯拉麵（⭐️⭐️⭐️⭐️⭐️）芫茜份量超多，真係有驚喜！湯底味道豐富，除咗有濃濃芫茜味，同時有豬骨嘅香味，加上不會太鹹，我都基本上飲晒個湯。雞扒不過不失，幾軟口，略嫌沒有芫茜味。溫泉蛋由蝶豆花浸泡煮成，所以帶有紫色嘅外表，夠晒特別！串燒：鹽燒雞軟骨串（⭐️⭐️⭐️⭐️⭐️），厚燒牛舌（⭐️⭐️⭐️⭐️⭐️）雞軟骨唔同平時食開一顆顆，佢係用雞胸嘅軟骨部分，相對油脂感會低啲，適合減緊肥嘅朋友。而牛舌非常厚身有口感，彈牙爽口好開胃。魔鬼燒魚翅乾（⭐️⭐️⭐️⭐️⭐️）依個小食好特別，燒過之後非常惹味，適合做餐前小菜，食落有一種燒魷魚絲的味道，但比魷魚的口感更煙煙韌韌，值得一試。燒雞皮（⭐️⭐️⭐️⭐️⭐️）仲以為要去