漁牧 (已結業)

- 今日同朋友去九龙湾影圣诞灯饰，顺便去埋Megabox睇戏同觅食，发现13楼原来开左好多餐厅同摆婚宴既地方。见到有间餐厅有酸菜鱼，劲想食🤣，于是决定试下呢间渔牧😜！- 食物方面，我地叫左香甜爽口菜、青瓜拌海蜇、麻辣肾片同浓汤酸菜鲷鱼。而饮品就叫左大荔枝番石榴沙冰同泰国椰青。- 我地叫既三个前菜好快就上齐啦，香甜爽口菜系由娃娃菜拌芝麻酱。平时食一啲拌芝麻酱嘅菜色，好多时食完面头个层已经无哂酱，但系呢个唔会。佢每块娃娃菜都充满着芝麻酱，食到底都仲有酱。而且娃娃菜整得好爽口，一啲都唔会有淋既口感，真系要菜新鲜先可以做到。由于我系好钟意食芝麻酱既，所以我超级钟意🤣！- 青瓜拌海蜇同埋麻辣肾片都整得好好食，海蜇爽口，麻辣肾片好入味，两个小食底部都有青瓜，同样都超级好食，我地全部食清光🤣！- 而两款饮品都好好饮，我朋友饮椰青，我饮大荔枝番石榴沙冰。个沙冰好有惊喜，里面有一粒粒嘅荔枝果肉，好好饮之余又唔会过甜。- 终于到重头戏酸菜鱼啦，酸菜鱼里面有海带、粉丝同芽菜等等既配料。啲鱼好爽口弹牙，个汤系酸辣既，令人忍唔住一啖接一啖咁饮。锅里面既所有配料都好入味。