肉多多火鍋

來自台灣嘅肉多多火鍋，逢星期一至五平日都有午市套餐，有定量一人鍋🍲餐廳喺銅鑼灣糖街嗰邊，環境闊落，坐得十分舒適。午市一人鍋包咗一份肉、蔬菜籃、任食甜品。我哋揀咗頂級霜降牛一人鍋🐮澳洲羔羊肩一人鍋🐑湯底方面可以選擇老火豚骨湯/台式麻辣湯/精力藥膳湯/寶島沙茶湯。肉類方面我哋要嘅頂級霜降牛😍脂肪分布平均，每塊都好完整、幾大塊，牛味突出，肉質軟腍，無筋👍🏻澳洲羔羊肩都好食，有少少羊嘅羶味，唔會太肥，有咬口👌🏻蔬菜籃除咗有蔬菜，仲有肉丸、鯪魚丸、餃子、香菇、金菇、秀珍菇等等🥬🌽都10分豐富。麵食可以選擇刀削麵或薯粉。湯底我哋要沙茶湯同埋藥膳湯都好好食😋特別鍾意藥膳湯，藥材味香濃，食落健康養生👍🏻😆自助區域除咗有醬汁之外，仲可以拎自助甜品，任食台式仙草、芋圓、愛玉，仲包一杯雪糕🍦成個套餐份量十足！📍#肉多多火鍋 (#銅鑼灣美食)