CHICKEN CHIKO

营业中

休息中

見openrice有人介紹過佢既lunch，今日就嚟左呢間韓式餐廳試下。我叫左佢喺自選一碟。首先，主食方面我揀左韓式炒粉絲，粉絲炒得好滑而且好入味，配埋少少菜同蘿蔔一齊食，好有口感。而且食落去唔會好油膩，不錯。配料方面，我揀左蜂蜜炸雞同泡菜煎餅。泡菜煎餅比較厚，好多泡菜饀，十分足料。不過感覺就煎得唔夠香脆，如果個表面再脆口啲就會更好。蜂蜜炸雞十分有水準，熱辣辣，每一件雞既表面都脆卜卜，而且好掛汁，所以每一件都入口好甜好好味，而且內裡都係軟綿綿充滿肉汁。飲埋杯柑橘汁，大大杯又夠凍，咁就係一個完滿既lunch了。