阿木台灣麵 (廣華街) (已結業)

Lucas知道呢間台灣店非常出名，所以揀咗個下午茶時段黎，不過佢哋嘅人氣都係非常高，等咗一陣先有位，不過可以話俾大家聽呢個等待係值得嘅！首先點左佢哋嘅超人氣牛肉麵，有返咁上下份量，湯底非常之濃，真係好似飛咗去台灣食一樣啊！食台灣野又點少得嗌小食呢？選擇非常多搞到我都花多眼亂！！最後決定叫鹽酥雞啦！呢度嘅鹽酥雞真係不得了，上碟時仲係熱辣辣㗎，炸到外脆內軟，啲肉汁會標出嚟，啲雞肉非常Juicy!! 飲品整返杯芝士奶蓋四季春，真係爽呀！