西貢金雞海南雞

营业中

休息中

九龙城假日，无论大舖小舖都大排长龙，估唔到呢度唔洗点排队质素都唔错㖞！以后去九龙唔洗净系谂到泰国菜喇！呢间海南鸡饭都唔错，虽然系快餐店形式，但呢个钱价，系超值左既。我地5个人，叫左个4人餐，加碗油饭，好够饱，又冇野剩，真系好抵食！香手刴咸鱼蓉肉饼，香脆可口，咸鱼加上薄薄既肉饭，煎得非常香口，送饭当然一流啦！油饭有少少炸香既蒜粒，令本身都好香既油饭更加惹味。例汤就一般，那天系南瓜汤。驰名卤水西贡状元蹄，都几大只下，煮得又够淋，见到D骨胶原就好开心喇! 虽说是卤水，但又唔系好食到卤水味，但好味就够啦！至于主菜呢，起晒骨卖相已经好吸引，鸡皮有少少肥，但肉滑就好香滑。