勝博殿日式炸豬排 (已結業)

一行五人有正經野要傾，所以揀間位置闊落D既餐廳。呢間都幾岩我地，座位闊落又唔會太嘈。問待應姐姐，特上豬扒同普通豬扒有咩分別，佢話特上係日本豬，普通係泰國豬，咁既然黎得，當然試日本豬啦。睇餐牌，有特上豬扒同特上豬柳，五個人一定食得晒既，兩個都叫！淨係叫左兩個套餐，店員話唔可以加添椰菜絲同湯，要一人一個套餐先可以。特上吉列豬扒，厚切，多肉汁，肉質鬆軟，外層鬆脆，唔會太油。豬柳都鬆軟，但略嫌唔夠咬口。豬扒正好多！火鍋烏冬，正常味啦，普普通通，隔左一晚已經唔係好記得個味。另外叫左D小食。芝士車厘茄燒茄子，茄子唔夠林，太爽口，個人唔係咁鐘意。凍豆腐，夠滑但唔夠味。滑蛋牛肉窩，滑蛋個味道幾好，但牛肉有D過熟。豬扒係幾好味既，其他就一般般啦。見其他食家話銅鑼灣分店正D，下次試試！