漫花燈火OMG

朋友book咗枱帶我去食生日飯，之前喺IG 見到好多人來打卡，都預咗係時興打卡餐廳對食物沒有期望，只求影下相嘻嘻哈哈食一餐。

我哋2個人就叫咗個豬鞍，青口同埋要預訂嘅潘朵拉的盒子甜品。豬鞍份量都唔細味道幾好，加埋炸蕃薯條都炸得唔錯同埋份量足，傾偈傾耐咗凍咗都唔會淋晒，好食。碟青口就正正常常啦，反而幾欣賞佢附送嘅幾塊千層脆餅點忌廉汁食幾夾，唔漏。

而甜品潘朵拉的盒子有個錘仔可以扑，同埋生日會有頂生日帽🥳送，店員又好積極同pro咁叫你行出去景點幫你影相📸️。 成件事都幾繽紛，為餐廳再加多幾分。 眼見全場好似所有枱都有人生日咁🎂，氣氛唔錯！整餐飯都滿意，較少又有gimmick 又幾好食的IGable餐廳🤫