影片
更多
2020-07-06
468 浏览
今年兩次日本之旅都畀武肺搞和咗，唯有食番啲好嘢，安慰自己！之前食開旺角另一間Omakase, 今次聽朋友介紹，試下豐！有bk檯，我同朋友6點9左右到，坐陣影下相啱啱好有得食！suggest 早小小到，可以睇師傅埶料，影下相！環境好靜，舖頭唔大，有bar檯有房，坐bar檯有feel啲，又可以同師傅傾謁，知自己食緊咩！嗌咗豐•特上，之後就坐住等食！前菜兩隻蟹仔，好酥脆，成隻都食得，好似食緊薯片！新鮮識郁嘅帶子: 配蒙古岩鹽，絕對唔係講笑，足夠新鮮嘅食材，唔洗太複雜嘅調味，帶子好爽口，食到甜味！大船渡灣巨蠔：等食途中，畀魚缸入面啲巨蠔吸引咗，成隻手掌咁大，當然嗌番隻試下！蠔味較濃，但唔腥，海水味小重，小小金屬味，甜味淡，一啖食晒，大大嘅滿足！鹽水海膽章紅魚刺身: 章紅魚本身淡味，有海膽粉末調味，放大咗魚嘅鮮味！夏鰤魚刺身：濃味魚，但絕對唔腥，口感紮實，有咬口！大toro 刺身: 至愛toro, 去親日本都會食好多！今次大toro稍嫌唔夠油脂，但油脂分部都平均，口感都唔差！西京銀鱈魚: 唔係平日食開嘅味道，有秘製醬汁嘅配合，甜得嚟唔會涸喉，魚肉一粒粒，味道平均，好味！活赤貝sushi: 又係識
有bk檯，我同朋友6點9左右到，坐陣影下相啱啱好有得食！suggest 早小小到，可以睇師傅埶料，影下相！環境好靜，舖頭唔大，有bar檯有房，坐bar檯有feel啲，又可以同師傅傾謁，知自己食緊咩！
嗌咗豐•特上，之後就坐住等食！
前菜兩隻蟹仔，好酥脆，成隻都食得，好似食緊薯片！
新鮮識郁嘅帶子: 配蒙古岩鹽，絕對唔係講笑，足夠新鮮嘅食材，唔洗太複雜嘅調味，帶子好爽口，食到甜味！
大船渡灣巨蠔：等食途中，畀魚缸入面啲巨蠔吸引咗，成隻手掌咁大，當然嗌番隻試下！蠔味較濃，但唔腥，海水味小重，小小金屬味，甜味淡，一啖食晒，大大嘅滿足！
鹽水海膽章紅魚刺身: 章紅魚本身淡味，有海膽粉末調味，放大咗魚嘅鮮味！
夏鰤魚刺身：濃味魚，但絕對唔腥，口感紮實，有咬口！
大toro 刺身: 至愛toro, 去親日本都會食好多！今次大toro稍嫌唔夠油脂，但油脂分部都平均，口感都唔差！
西京銀鱈魚: 唔係平日食開嘅味道，有秘製醬汁嘅配合，甜得嚟唔會涸喉，魚肉一粒粒，味道平均，好味！
活赤貝sushi: 又係識郁㗎，師傅一嘢拍落碟度，戲言快啲食，唔係會逃走！當然講笑，不過足見食材新鮮！赤貝又係本人至愛之一，今次呢個有驚喜，甜，冇腥味，鮮味十足！
金目鯛sushi /伊佐木sushi: 師父幫手燒咗個面，食落炙燒味重，金目鯛有驚喜，魚香味濃，唔好急住吞，嚼多幾下，感受下啲香味！
海膽sushi: 海膽少腥，可接受，甜味都有！
慢煮南瓜𩶘魚湯: 好濃嘅湯，慢煮令到魚嘅鮮味出晒黎，同南瓜好match!
甜品柚子雪sorbet/紅豆雪糕: sorbet有驚喜，攪勻啲柚皮係入面，清新加少少苦澀味！
最尾師傅介紹番，佢哋連米飯都係用日本水煲，仲拎埋支水畀我哋睇！呢個就係坐bar檯嘅好處！
總括嚟講，呢個價錢可以係香港食到咁高質omakase, cp value極高，師傅又好傾，服務一流，絕對值得一試！
btw, 師傅話直至疫情結束，都有85折，要試就快啦！
张贴
