去咗間叫做豬小姐嘅餐廳，食豬什同出名嘅燒鴨瀨粉。
鋪頭內面比較細得三張枱。我估應該做外賣生意多！
我哋叫咗個燒鴨瀨粉，同豬什米粉。
1）先講燒鴨瀨粉
燒鴨確實真係幾好味，老闆將燒鴨起咗骨。
所以可以直接一舊咁樣擺落口。對於唔想論骨嘅人實在太好啦。
另外燒鴨切得厚度適中👍🏻👍🏻👍🏻
不過我覺得燒鴨份量比較少，多返兩塊就好
2）豬什米粉
先講湯底，湯底好清，唔油膩，跟豬什嘅配搭會令到整體食落去唔會好滯同易膩感覺。讚！
大家係想都會見到個湯底好清，但係都係有味嘅，唔會淡茂茂！
豬什： 整體豬什都新鮮！
豬雜粉入面有豬肚，豬粉腸，豬膶，豬肉，豬腰（即豬腎），豬喉嚨。
每樣都有一至兩舊。整體味道唔錯，真係清清地，唔油膩。
另外叫咗個豬耳小食。
價錢有啲貴同埋味道都係一般所以我覺得可以唔使試😅
推介豬什米粉👍🏻
