影片
更多
2017-05-19
571 浏览
鑼灣要搵個世外桃園抖下好似好難，但其實行遠少少去到利園果邊又有好地方～就係薯仔屋啦！（其實係搵食兵團行街行到腳軟⋯想搵個地方可以飲杯野傾個計就打開op睇睇⋯之前都無諗過呢度有野食） 睇地圖以為好易搵，但原來都有少許難度，因為實在太容易miss啦~去到呢度樓下，見到呢個logo 就係喇～ 不過要上樓係要喺樓下禁鐘嘅，再搭𨋢上4樓⋯ 一入到去，第一感覺係：呢度好多玩具呀！仲要咩類型都有！打街機board game模型真係應有盡有～ 仲有超軟淋淋沙發～一坐落去唔識起番身～勁似自己屋企～不過未食得緊係打陣機先啦！ 野食方面，原來呢度嘅豬仔骨係得獎菜黎架！好犀利咁🏻🏻～唔知點揀下叫個二人餐最簡單啦！因為隊員W唔食雞翼關係，同店員講番（必須講店員真係好nice nice nice~~因為很重要所以講3次!!）佢竟然肯比我地轉酥皮焗田螺~~好滾動的說!! 而且呢度出菜真係會按住順序，即叫即做，呢樣夠抵讚～要知道平時有好多都係亂上菜，最尾先食頭盤嘅事隊長B都遇過…. 芝士蒜蓉包好香脆，芝士好香，雖然芝士味道唔夠大🤤，但蒜香味好香口～凱撒沙律有落脆煙肉粒同芝士條，脆煙肉因為硬粒狀，所以食得出有
鑼灣要搵個世外桃園抖下好似好難，但其實行遠少少去到利園果邊又有好地方～就係薯仔屋啦！（其實係搵食兵團行街行到腳軟⋯想搵個地方可以飲杯野傾個計就打開op睇睇⋯之前都無諗過呢度有野食）
睇地圖以為好易搵，但原來都有少許難度，因為實在太容易miss啦~去到呢度樓下，見到呢個logo 就係喇～
不過要上樓係要喺樓下禁鐘嘅，再搭𨋢上4樓⋯
一入到去，第一感覺係：呢度好多玩具呀！仲要咩類型都有！打街機board game模型真係應有盡有～
仲有超軟淋淋沙發～一坐落去唔識起番身～勁似自己屋企～不過未食得緊係打陣機先啦！
野食方面，原來呢度嘅豬仔骨係得獎菜黎架！好犀利咁🏻🏻～唔知點揀下叫個二人餐最簡單啦！因為隊員W唔食雞翼關係，同店員講番（必須講店員真係好nice nice nice~~因為很重要所以講3次!!）佢竟然肯比我地轉酥皮焗田螺~~好滾動的說!! 而且呢度出菜真係會按住順序，即叫即做，呢樣夠抵讚～要知道平時有好多都係亂上菜，最尾先食頭盤嘅事隊長B都遇過….
芝士蒜蓉包好香脆，芝士好香，雖然芝士味道唔夠大🤤，但蒜香味好香口～凱撒沙律有落脆煙肉粒同芝士條，脆煙肉因為硬粒狀，所以食得出有不平滑嘅口感，但其實好惹味的～酥皮田螺Ｄ酥皮超鬆化，鬆過三層方塊酥🤣，只係田螺味道唔太突出（應該係比個酥皮味搶左），所以有少少可惜～西班牙茄汁蘑菇煙肉意粉個意粉好有蕃茄味好香，仲加左香草同黑胡椒，入味得黎仲更加吊得出煙肉既味道～
黎到重點之中嘅重點「醬燒豬仔全骨」：豬仔骨燒得好香表皮好脆，內裏內質卻好淋！燒烤汁足夠且入味，果然係得獎菜式🤤🤤🤤！！加上薯條亦好脆，肉醬同芝士佈滿其上，賣相已經好吸引啦～～～
另外介紹埋兩杯野飲先，因為配餐可以揀每人特飲一杯或者任飲～所以叫左一杯薄荷可可同一杯巴里熱情～薄荷好香好fresh，巴里熱情嘅熱情果味好香亦唔會太甜，所以兩杯都係好飲嘅～
食完野再黎多個甜品，一路食心太軟一路玩board games, 店員仲介紹左好多新game我地玩,虧我地淨係識玩三國殺哈哈! 等下次包場同FD過黎呢度開P或者唱K打麻將先LOL~
-----------------------
好味指數：7.5/10
翻啅指數：8/10
人均消費：101-200
服務態度：9/10
乾淨指數：8.5/10
------------------------------
薯仔屋
銅鑼灣新會道4號4樓
张贴
