Go Inside Kitchen (已結業)

嚟到位于观塘嘅时运工业大厦，系一栋颇有历史嘅工厦。试试五楼呢间Go Inside Kitchen，行出lift就见到呢幅人造草坡墙。入面啲台櫈系木为主，既简约又清新。避开咗午餐时间，当日就只有两三台食客。餐厅仲有户外座，走出去睇睇，系旧区楼景，仲不时见到经过嘅地铁列车，由于附近楼宇唔高，加上有一段距离，景观都算开扬。听讲餐厅有聘请听障或弱听人士，所以餐牌内附有简单嘅手语图表，制服上亦会有所识别，不过当日似乎唔晌度。餐厅有八款午餐，价钱大约六十至百多元不等（未计加一），包餐汤、主菜同餐饮。另有个二百多元嘅二人餐，除餐汤、主菜同餐饮外，仲有埋甜品，好似比较抵食，可惜当日嘅选择唔太合心，咁叫返午餐啦。每台都有一樽水，可以自己斟。蒜蓉法包，蒜蓉酱搽得唔多唔少，烘脆后更惹味。甘笋汤，质感滑溜，饮落清甜。我哋仲加钱试埋田园沙律同喜马拉雅山岩盐温泉蛋，田园沙律，黑醋汁酸香，都几开胃。喜马拉雅山岩盐温泉蛋，无唔讨好嘅腥味，可蘸蒜蓉法包嚟食。新鲜空运澳洲西冷伴红酒汁，餐牌指西冷扒足有八安士重。平时食牛扒大多数拣五成熟，朋友呢次就大胆地拣咗四成熟（Medium Rare），的确令我有啲意外，我问佢唔怕太生