The Big Things Noodles (已結業)

去到K11 Musea想食個Quick Meal, 所以落左去food court睇下有咩好食，記得曾經見過有人介紹呢間所以就揀左佢啦！濃厚海膽稻庭烏冬 $148當初就係比呢個烏冬吸引左，仲係店長推介，但一食個烏冬已經有d失望，因為個烏冬好稔😕個烏冬有d辣，好彩個海膽醬味都夠濃，面頭有少量新鮮海膽同魚子，兩樣都新鮮唔會腥。泰北冬蔭蝦稻庭烏冬$118食到好多冬蔭功嘅材料，冬蔭功味道都夠，酸酸地幾開胃，配料有3隻蝦幾新鮮唔錯。香濃明太子稻庭烏冬 $118成日食明太子意粉，今次試配烏冬啦，面頭有d櫻花蝦好香，但個醬汁太濃奶味，個人唔太鐘意，食左幾啖就覺得好膩喇。整體賣相好好但烏冬個質感有點失望。