Greyhound Café (海運大廈)

营业中

休息中

Greyhound係一間泰國fusion菜餐廳，menu種類非常多，每次我都會花多眼亂，樣樣都想試，好在呢度份量唔會好大碟，可以叫多幾樣一齊食。薄切三文魚配泰式醬三文魚新鮮好味，配埋個泰式辣醬，個感覺好似食泰式生蝦，有驚喜，好食單骨雞翼炸得剛剛好，簡單美味，香脆可口。泰式魷魚圈呢個一般般，可以不試。感覺只是普通的魷魚圈，炸得麻麻。黎到泰國餐廳一定要食泰式炒金邊粉，幾好，炒得乾身，撈埋d花生同辣粉，好味道。炸豬手配糯米飯好有特色，我都係第一次食呢個配搭，豬手外脆內較，唔點汁都好好食，配糯米飯都幾夾。泰式拉茶甜，好甜，但都好滑身，夠茶味。必叫皇牌甜品每次黎Greyhound都係衝著佢而黎，實在非常好食，鐘意食椰子椰皇都一定要試。