Boon (已搬遷) 新店位置

今晚唔知食乜好，search 下附近睇下有咩Cafe 想试，见到呢间评分高，价钱ok, 试下啦。上到去，先讲下环境，因为呢一晚满座，我被安排在靠窗中间，左右都系人，间距明显唔足够，二人枱放唔到袋，建议去都系带斜揹废包比较方便，好在店员好肯俾凳。食物方面，我地叫左封门柳， 蟹粉蟹肉意粉＆明太子薯条，明太子薯条：明太子酱洒满表面，卖相好，份量多，但酱偏咸，建议多几个人叫浅尝比较好； 蟹粉蟹肉意粉，味道唔错但比较单一，扁意粉可以煮淋啲，如果可以加两条芦笋会更满足；封门柳，牛肉味道质地都ok，但外层大火煮干少少，里面还好，份量比较少（6片），旁边椰菜及薯蓉份量好多。成餐饭食完感受好深系好热好迫，冷气唔够，食物唔难食但冇乜惊喜，可能叫嘅食物冇乜汁，又太多淀粉质，食完好滞，完全食唔落甜品，可惜。呢度整体表现一般，冇叫饮品，见到好多人叫沙冰感觉吸引，tea time去饮杯野应该会唔错。