養心殿台式養生鍋

之前食完旺角間養心殿.比美人鍋同養生鍋湯底深深吸引住.所以忍唔住食多次～
今次去荃灣分店 坐窗邊 望到荃灣夜晚既市景～

已經離唔開呢個黑白鴛鴦煲
飲到要係咁加湯

朋友食邊爐都一定要食菜 所以叫左個雜菜拼盤 有我至愛既金菇

由於我好嗜酒 見到白酒豬肉咁特別 緊係要試下 真係好濃郁既酒味！
而響鈴都係呢到必叫 感覺索埋啲湯底係另一番層次 特別係吸左鳥雞湯係好清甜
加埋索晒湯底既薯粉

我係唔食海鮮 蟶子都係第一次試～好大隻 食落去比我想像中好食 勁有嚼口 鮮味十足