Chill Inn

今日去完EMAX睇show,順便搵食埋野先走，行左幾層得d好似快餐嘅餐廳,終於係地下個層搵到間食fusion 泰國菜，就入去試下。
餐廳環境都幾靚，就快到晚市所以啲燈光都係暗暗地有情調，見到佢好似分開左兩邊，一邊有個corner似有live show,另一邊就靚靚都幾多人打下卡咁。

Menu方面野食唔算大多選擇，但都有沙律、湯、意粉同主菜嘅種類，最特別係一開始已為得西餐食，點知睇睇下又有啲signature泰國菜。我地叫左個冬陰功湯、pork ribs同一個pasta

冬蔭功海鮮湯

$78

冬陰功海鮮湯份量都夠兩個人分，味道ok之餘仲要有功多海鮮，大蝦、花甲、青口都有好多隻，仲有豆卜同草菇，勁足料👍🏻

芝士豬肋排配薯格

$178

芝士豬肋排配薯格好大份。薯格好香脆，豬肋排嘅燒汁配埋上面個層拉芝真係人如其名咁「邪惡」。豬肋骨都算幾厚肉，唔會得排骨。

烤雞菠菜白酒汁扁意粉

$98

最後就係雞柳菠菜白酒汁扁意粉，佢唔似出面好多菠菜意粉咁青bb,因為一食落去就會食到白酒汁個個清甜味，係好特別嘅一個醬汁，冇乜係邊到食過呢個味道。係幾值得一試嘅pasta。

最後食完先見到佢地做緊all day happy hour, $48一杯draft beer勁抵，唔怪得台台都係飲啤酒。

整體呢間餐廳環境唔錯，坐得都舒服，食物都多原化，係Emax 幾好嘅一個選擇。