影片
更多
2023-05-01
108 浏览
講開大角咀嘅美食，easyjoe必定榜上有名，就算未飲過都一定聽過佢嘅特濃朱古力，其餘菜式亦玩味十足，甚具新意。𖦹 自家製芥末洋蔥醬炸雞窩夫 $148 一早已經諗定要嗌呢個，好似漢堡包咁但用咗窩夫嚟代替包，創意十足。炸雞非常香脆，有陣清新香草味，毫不油膩。窩夫上面搽咗芥末洋蔥醬，配上大量果仁碎以及太陽蛋，最後淋上楓糖漿，又鹹又甜，味道豐富，不愧係招牌菜。𖦹 鮮茄虎蝦扁意粉 $148虎蝦爽口彈牙，略嫌乾咗少少；意粉彈牙，醬汁比想像中辣，極為惹味，加上蕃茄、西芹等蔬菜，閨蜜表示滿意。𖦹 阿祖朱古力心太軟配豆腐雪糕 $78一拮開個心太軟朱古力醬即緩緩流出，朱古力味超香濃，係偏苦嘅黑朱古力味，不過自己偏好實少少嘅心太軟，焗多一陣多啲蛋糕texture會更啱我哋嘅口味。配上較清淡嘅豆腐雪糕同吃，一冷一熱，為味蕾帶嚟衝擊。𖦹 二世祖特濃朱古力 $48 必嗌之選，入口黏稠濃厚似奶昔，濃到食緊一粒朱古力咁，甜度啱啱好。𖦹 益力多沙冰 $48益力多味濃郁又夠大杯，冰涼清爽。
講開大角咀嘅美食，easyjoe必定榜上有名，就算未飲過都一定聽過佢嘅特濃朱古力，其餘菜式亦玩味十足，甚具新意。
𖦹 自家製芥末洋蔥醬炸雞窩夫 $148
一早已經諗定要嗌呢個，好似漢堡包咁但用咗窩夫嚟代替包，創意十足。炸雞非常香脆，有陣清新香草味，毫不油膩。窩夫上面搽咗芥末洋蔥醬，配上大量果仁碎以及太陽蛋，最後淋上楓糖漿，又鹹又甜，味道豐富，不愧係招牌菜。
𖦹 鮮茄虎蝦扁意粉 $148
虎蝦爽口彈牙，略嫌乾咗少少；意粉彈牙，醬汁比想像中辣，極為惹味，加上蕃茄、西芹等蔬菜，閨蜜表示滿意。
𖦹 阿祖朱古力心太軟配豆腐雪糕 $78
一拮開個心太軟朱古力醬即緩緩流出，朱古力味超香濃，係偏苦嘅黑朱古力味，不過自己偏好實少少嘅心太軟，焗多一陣多啲蛋糕texture會更啱我哋嘅口味。配上較清淡嘅豆腐雪糕同吃，一冷一熱，為味蕾帶嚟衝擊。
𖦹 二世祖特濃朱古力 $48
必嗌之選，入口黏稠濃厚似奶昔，濃到食緊一粒朱古力咁，甜度啱啱好。
𖦹 益力多沙冰 $48
益力多味濃郁又夠大杯，冰涼清爽。
张贴
