影片
更多
2022-12-26
86 浏览
🌟餐廳：GOOF📍地址：佐敦文匯街32號文景樓地舖💰價位：～$50-$100⏰營業時間：星期一休息 / 星期二至五12:00 - 19:00 / 星期六日及公眾假期 11:00 - 19:00佐敦一向多文青Cafe 小店，趁今日放下晝，約埋朋友出去坐低飲杯咖啡，再出去行吓街先~ 今日我地黎到呢間GOOF，餐廳外觀以木系裝修為主，內裏就帶點工業風味道，簡單得黎又帶點寧靜，一於睇下有咩食先～———————————————————🔹Duo Cheese Honey Garlic Panini呢個係餐廳既招牌食物～Panini 即叫即整，熱辣辣，麵包外層好香脆，內裏夠晒軟熟，蒜蓉味道好香濃，可以按自己喜好再淋上蜜糖，入口甜中帶咸好得意好惹味～重點係落左好多芝士，輕易就做到邪惡既拉絲效果～———————————————————🔹Toast (With 3 toppings)- Scrabbled Egg- Green Salad with Sesame Dressing- Avocado 賣相好精緻而且大大份，好吸引～炒蛋煮至半熟，夠哂滑嫩～牛油果醬已預先調味，好creamy！沙律菜夠哂新鮮爽
📍地址：佐敦文匯街32號文景樓地舖
💰價位：～$50-$100
⏰營業時間：星期一休息 / 星期二至五12:00 - 19:00 / 星期六日及公眾假期 11:00 - 19:00
佐敦一向多文青Cafe 小店，趁今日放下晝，約埋朋友出去坐低飲杯咖啡，再出去行吓街先~
今日我地黎到呢間GOOF，餐廳外觀以木系裝修為主，內裏就帶點工業風味道，簡單得黎又帶點寧靜，一於睇下有咩食先～
———————————————————
🔹Duo Cheese Honey Garlic Panini
呢個係餐廳既招牌食物～
Panini 即叫即整，熱辣辣，麵包外層好香脆，內裏夠晒軟熟，蒜蓉味道好香濃，可以按自己喜好再淋上蜜糖，入口甜中帶咸好得意好惹味～重點係落左好多芝士，輕易就做到邪惡既拉絲效果～
———————————————————
🔹Toast (With 3 toppings)
- Scrabbled Egg
- Green Salad with Sesame Dressing
- Avocado
賣相好精緻而且大大份，好吸引～炒蛋煮至半熟，夠哂滑嫩～牛油果醬已預先調味，好creamy！沙律菜夠哂新鮮爽脆～成個組合都好健康又好味！
———————————————————
🔹Tiramisu Croffle Tops
底層係大熱既牛角窩夫，牛油味濃～面頭再鋪滿香滑既cream 及可可粉，再搭配一支迷你既espresso，可以吱埋落去，咖啡味道會更香濃呢～
———————————————————
🔹Americano
咖啡烘焙味好香濃，令人瞬間提神~
———————————————————
🔹Hojichacino
焙茶味道夠濃郁，奶泡香甜順滑~
———————————————————
😋味道：4/5
🏢環境：4/5
💁🏻♀️服務：4/5
💵價錢：4/5
🤟🏻性價比：4/5
———————————————————
👅整體小總結
餐廳雖然位於佐敦舊區，但係今日平日下晝人流都好旺～環境相當好寧靜舒適，無論落尖沙咀行街或者去西九文化區遊覽之前，都可以喺呢一度Chill 一 Chill 先～
张贴
