鮨千寿 (The ONE) (已結業)

其實揀呢間諗住見佢裝修幾靚，食物相片又好似OK，所以就book咗呢度慶祝生日。叫咗一個特別刺身，魷魚包住啲海膽，$168，成餐飯算係咁嘅一個菜式，賣相可以，但係味道唔算特別出色，海膽不算超級新鮮只是尚可。因為朋友喜歡食蟹子沙律，$68，所以叫了一個，味道朋友說，話普普通通不是他吃過的最好食的，我就對呢一道菜色冇太大好感。海葡萄沙律，$68，本身都期待，賣相以為還可以，但食落去完全另一回事，唔知點解林啤啤，以為食落口會有好一粒粒嘅感覺，口感好差。雞軟骨，$48，賣相同味道跟食放題的餐廳冇太大分別。另外帶咗兩個壽司組合，每個組合$188，味道及賣相亦屬於可接受水平，沒有太大驚喜。吞拿魚腩卷，$58，去到呢個位，我已經對呢間餐廳冇太大期望，我叫佢都係純粹為咗填飽個肚。賣相就一般，飯粒唔夠整齊，有啲散。總括嚟講對呢間餐廳有啲失望，集團式經營，分店都係走高尚路線，價錢不算便宜，以為質素會比較好，原來味道同食放題嘅質素都係差不多。成餐晚餐食咗八百幾蚊兩個人，以這個質素這個價錢不算太值。