❤️🔥 呢間主打濟州火山岩石板燒黑毛豬，連烤盤都係由韓國團隊特製石板。播住K-pop仲有Oppa幫手燒肉，食到唔止係燒肉，而係猶如身在濟州旅行般嘅體驗。
🐖 燒肉方面必試罈子五花肉套餐。呢款五花肉經過 168 小時低溫熟成，肥瘦比例啱啱好，上到石板後燒到金黃香脆，口感紮實有彈性唔會太油膩。厚切入口，先感受到外層焦香，再滲出豬肉本身嘅甘香——就算唔沾醬，單食都已經回味無窮。當然，配泡菜一齊入口，油脂香與酸辣平衡，重點係 Oppa 燒到啱啱好，完全唔使你自己動手。
😊 韓式燒肉配菜都好講究，每枱附送六款精緻配菜：醃漬魷魚、茖蔥葉•醃洋蔥、南瓜沙律、白泡菜、包飯醬、涼拌菠菜，仲有一份可愛smiley調味料，笑住等你開餐！沾上粉紅鹽，肉味更突出；試下 Wasabi 或法式芥末籽醬，又係另一番清新刺激。
🧀 套餐包括泡菜炒飯，石板炒飯用返烤肉油香炒，飯焦脆卜卜，好味到停唔到口！最驚喜係個芝士爆漿蒸蛋，熱辣辣上枱似梳乎厘咁鬆軟，芝士拉絲效果超治癒。
🍹 飲品方面我揀咗士多啤梨米酒，香甜可口完全冇苦澀味。另外都推薦百香果梳打配清新酸甜嘅漢拿峰沙冰，解膩一流。呢度飲品落足料，亦都加咗香草令味道更加獨特有層次。
🗿最後甜品必食限量供應嘅「濟州爺爺」。石像造型嘅黑芝麻布丁入面有清新嘅橙蓉醬，旁邊仲有雲呢拿雪糕加香橙醬汁同Oreo 碎。造型打卡滿分，味道亦濃郁討喜。
💯 人均唔洗HKD300，就可以享受專人代烤、質素優秀嘅濟州黑毛豬盛宴，超抵勁正！
1
1
1
1
1
1
1
3
1
1
