Amazake (已結業)

搵食靠朋友，朋友今晚同我去了這裡，真係十分之滿意，首先餐廳位置絕對方便，係正中環中心，行過小小就係蘭桂坊，食飽再過去再飲又得，但如果要飲在這裡都可以暢飲一番！因為這裡有買一樽送一樽，絕對抵飲！今晚就點了樽清酒，用了個酒瓶上，中間加埋冰，係一個炎熱嘅晚上認真清爽！這裡主打日式料理，當然要點過刺身啦！精選刺身七款，一次過有齊時令嘅口味，一上枱最吸睛就係大大份嘅海膽，當然要最先品嘗，味道鮮味，感覺滿足！除此之外還有鮮味嘅北海道帶子、大大隻鮮甜嘅甜蝦、肥美嘅油甘魚、厚切嘅吞拿魚、肥美三文魚同埋爽口嘅赤貝，樣樣都十分新鮮！一啖冰凍嘅清酒，配上這個刺身拼盤，感覺人生是這麼寫意！之後加了份脆炸鹿兒島吉列豬扒，豬扒外面炸得十分香脆，內裡十分軟熟，配埋個燒汁入口味道十分配合！感覺好像在鄉下時食到嘅感覺！除此之外還有個鐵板和牛粒都十分出色！上枱時熱辣辣嘅鐵板上放滿了和牛粒，店員再幫忙加上醬汁，鐵板遇上醬汁即時發出沙沙聲，和牛粒入口軟熟嫩滑，好有口感！今晚胃口好，加埋個鵝肝鰻魚炒飯 ，個炒飯中間位置有隻溫泉蛋之餘，飯身煙韌彈牙，飯裡面充滿鰻魚粒同鵝肝，十分有口感！最後當然要食埋甜品拼盤黑芝麻雪糕，上枱擺放精