八月花 (東薈城名店倉)

营业中

休息中

跟老人家食飯都會來到八月花，AE卡有75折，是個好抵嘅選擇。菜式雖然未叫做出眾，但家常小菜都永無甩拖。 所以都會係一個好好嘅選擇。今次我哋叫咗半隻茶薰鴨，真係半隻大份量超多，仲要好多肉，佢送上嚟嘅有三隻唔同醬，同埋四件用來夾肉嘅包。咁多肉得嗰幾粒包其實真係好唔成正比，可能佢想人哋加錢就要啩。不過我哋因為通常係就咁食肉冇夾落個包，所以就冇一再order。另一個係叫做酸魚咁上下嘅嘢，其實佢係喇沙湯底有啲魚片，唔辣唔酸。呢個味道我就覺得麻麻，亦都唔知佢湯底其實想點樣做。龍蝦泡飯呢個龍蝦泡飯真係唔錯，但係份量就比較少，洗碗嘅話五個人其實都只係分到七至八成滿。三至四個人都還可以嘅。