又一戟 (已結業)

人人都話去得葵廣就要食佢，係葵廣必食之一，咁啱得閒咁就去試吓啦！簡簡單單叫咗個芒果pan cake。由於係即叫即整，而且都好多人排隊食呢間，都等咗一段時間先有得食。Pancake嘅成份好簡單，上面係cream，加啲朱古力醬，下面再有啲芒果粒，再下面就係雪糕。揀咗芒果味雪糕，雪糕軟綿綿，幾滑，都幾有芒果味，幾香。同埋芒果雪糕嘅份量都唔少。食到底都有。佢個pancake都有蛋香，新鮮整起確實幾好食。店家都貼心咁包多張紙巾，食曬就可以用埋，又唔太怕整污手。