北京填鴨（半隻） $168
呢個真心抵，半隻都切到成大盤。鴨皮脆脆地、肉唔乾，配埋薄餅、青瓜、甜麵醬包一齊食，好香好滿足。以$168嚟講，性價比爆燈。
2
麻辣豬耳爽口得嚟唔韌，麻辣味啱啱好，唔會太重手。涼涼地上枱幾開胃，當小食或者頭盤都好啱。
1
涼拌土豆絲
酸辣味好平衡，土豆絲切得幼幼地又爽又脆，幾清新。配重口味餸食幾解膩。
韭菜豬肉餡餅
煎得好香脆，咬落肉味都濃，韭菜味出但唔嗆。餡料幾實在，一個都幾頂肚。趁熱食最正，放涼咗會硬少少但仲係好食。
呢間嘢勝在夠實際，冇乜花巧，但每樣都做得有心。份量多、價錢合理、味道穩陣。下次想食東北菜都會再嚟。
