早幾日朋友生日，同佢去左龍亭食lunch慶祝，而家用左優惠cp值好高。
醬油漬三文魚軟骨海草昆布
三文魚軟骨爽脆帶膠質，醬油漬得剛好，配上海草昆布令鮮味更濃，鹹香有層次。
醃製醋漬三色蔥
三色蔥口感鮮脆，酸度控制得佳，唔會搶味。
熟成三文魚蓉牛油果他他
口感綿滑到近乎入口即化，熟成三文魚蓉油脂更突出，配上牛油果嘅奶滑，味道平衡得好好。
煙三文魚卷菜卷配魚子醬
三文魚香明顯，外層菜卷帶少少爽感，頂上魚子醬提供鹹鮮感。
白松露魚子醬蘭王溫泉蛋
蘭王蛋本身香濃，溫泉蛋嘅流心加埋白松露香氣，魚子醬帶出微鹹鮮味，非常好味。
法國生蠔蝶豆花海鹽泡泡
生蠔質素一流，鮮甜無腥味。蝶豆花嘅淡紫色加上海鹽泡泡，視覺加分，味道上亦令蠔更清新突出。
韓國 1++ 韓牛薄燒
油脂分佈靚，薄燒做到剛好粉嫩，入口即化，肉香濃郁。唔需要太多調味，已經非常出色。
花膠鰹魚麵豉湯
花膠滑而不膩，鰹魚香氣明顯，麵豉湯底濃但唔鹹，層次豐富。
法國鵝肝多士配菠蘿柚子醬
鵝肝煎到外脆內香滑，配上帶酸甜嘅菠蘿柚子醬可以中和油份，令整道菜唔會太滯，好食又舒服。
鐵板燒帶子 & 鮑魚
帶子煎到恰到好處，外面微脆內心甜嫩。鮑魚火候掌握得非常準，爽彈又保持海味，簡單調味已經令人滿足。
