影片
更多
2022-06-15
115 浏览
同事生日 所以一行幾人去左食KAKU（同事早1-2個月前食過覺得幾好食，但今次介紹人都覺得好失望）餐廳設計風度幾靚、環境大、坐位寬敞。中午一點正值食飯時間，但當時全場只得幾枱客！ KAKU Set Lunch Menu:每個餐都會有多士同沙律/龍蝦湯2選1，我唔好龍蝦湯所以選擇左沙律！先講多士，好正常普通的多士，唔夠脆。只驚奇係每人只得半塊多士，作為客人睇到就覺得真係貴餐廳份量好小家！牛油方面有2種口味。牛油好滑身，但可惜係本身多士都偏油，所以食落無好特出佢另外搽包的牛油味道！沙律味道正常，但沙律菜唔新鮮另外同事叫龍蝦湯(無影到相)上湯時湯面無cream，同事就問點解今日龍蝦湯無cream？職員竟然回答：因為d cream未整好麥依家餐廳可以未整好菜式就上菜？？ 聽到咁的回覆真係震驚主菜方面牛魔王一個所以就點西冷$268，但塊西冷竟然係切上切上的牛扒真係大大減分，因為肉汁會因而流失！牛味濃但肉質偏韌。食完沙律後，佢收走左唯一的小刀(我以為係牛油刀，點知職員話佢地得呢把小刀可用)，上牛時又無比返刀我用開頭食牛扒，一舊塞入口食真係韌到好似咬香口膠咁，咬好耐都唔爛成件事感覺好差同大大減分！牛
（同事早1-2個月前食過覺得幾好食，但今次介紹人都覺得好失望）
餐廳設計風度幾靚、環境大、坐位寬敞。中午一點正值食飯時間，但當時全場只得幾枱客！
KAKU Set Lunch Menu:
每個餐都會有多士同沙律/龍蝦湯2選1，我唔好龍蝦湯所以選擇左沙律！
先講多士，好正常普通的多士，唔夠脆。只驚奇係每人只得半塊多士，作為客人睇到就覺得真係貴餐廳份量好小家！
牛油方面有2種口味。牛油好滑身，但可惜係本身多士都偏油，所以食落無好特出佢另外搽包的牛油味道！
沙律味道正常，但沙律菜唔新鮮
另外同事叫龍蝦湯(無影到相)
上湯時湯面無cream，同事就問點解今日龍蝦湯無cream？職員竟然回答：因為d cream未整好麥依家餐廳可以未整好菜式就上菜？？ 聽到咁的回覆真係震驚
主菜方面
牛魔王一個所以就點西冷$268，但塊西冷竟然係切上切上的牛扒真係大大減分，因為肉汁會因而流失！
牛味濃但肉質偏韌。食完沙律後，佢收走左唯一的小刀(我以為係牛油刀，點知職員話佢地得呢把小刀可用)，上牛時又無比返刀我用
開頭食牛扒，一舊塞入口食真係韌到好似咬香口膠咁，咬好耐都唔爛成件事感覺好差同大大減分！牛外層未夠火喉煎、而落鹽都重手左，偏咸！最好食係炒菇！
美國 Prime 安格斯西冷
$268
18 浏览
0 赞好
0 留言
另外同事就點了 日式吞拿魚炒飯配鰻魚卷$218
份量係少得可憐震驚所有人
鰻魚味道一般，食落有啲似急凍即食鰻魚
吞拿魚蓉顏色灰灰白白，賣相唔新鮮（相係IP調色先好睇小小)
炒飯方面份量得一至兩啖根本係法國菜
碟大份量小
日式吞拿魚炒飯配鰻魚卷
$218
7 浏览
0 赞好
0 留言
另一同事就點了 西班牙黑毛豬肋骨$198
一樣份量偏細，味道一般，豬無”蘇”味
近肥膏的肉會淋，但有某部份係好乾
西班牙黑毛豬肋骨配小椰菜
$198
6 浏览
0 赞好
0 留言
本身跟餐係附送茶類飲品。但同事推薦我飲Mocha話好飲，咁所以就加左15蚊要Hot Mocha！ Mocha偏苦，朱古力粉落太多，得但苦感又無少啡味、入口唔夠滑。個人覺得好普通無咪特別！ p.s 飲野製作需時較長，建議落單時叫埋！
甜品方面，我地幾人都要芝士蛋糕
估唔到佢一碟上哂，再每人比小碟 點解要咁作呢？
唯一令我覺得好食係舊芝士蛋糕
加 $15的 Hot Mocha 同跟餐一人一件芝士蛋糕
5 浏览
0 赞好
0 留言
講環境 裝潢幾好，但無外觀景
講味道 味道普通，無特別驚喜
講服務 普普通通，收完我把刀又無主動比返無
講份量 真係少得好可憐
講價錢 歸類以上四點，cp值好低，亦都唔會再去
唯一可以讚嘅係擺碟幾靚囉
张贴
