更多
2009-04-03
12 浏览
1-4-2009再跟甜魔食友们扫餐牌, 今次0黎到德福 Ruby Tuesday, 目标当然系 tallcake 及各类朱古力甜品! 先叫几款咸食打打底:-Spinach Artichoke Dip 配 tortilla chips: 主角系个 dip, 不过只食到落了 Parmesan cheese 及菠菜茸, artichoke 呢? 黑 / 黄色 tortilla chips 脆卜卜, 味道现成, 不过配埋个 dip, 都几好食.Chicken wings / Fire Wings: 唔辣的 chicken wings 几好食, supposed-to-be-辣的 buffalo wings 就甜而不辣; 但最好食系 on the side 的 blue cheese dressing, 芝味极浓, 正! 用呢个送 tortilla, 比 spinach dip 仲好食 Caesar salad with Portobello Mushrooms: 唔够抢, 食唔到条状 portobello mushroms 又食唔到 croutons tim...Shrimp Di
再跟甜魔食友们扫餐牌, 今次0黎到德福 Ruby Tuesday, 目标当然系 tallcake 及各类朱古力甜品!
先叫几款咸食打打底:-
Spinach Artichoke Dip 配 tortilla chips: 主角系个 dip, 不过只食到落了 Parmesan cheese 及菠菜茸, artichoke 呢? 黑 / 黄色 tortilla chips 脆卜卜, 味道现成, 不过配埋个 dip, 都几好食.
Chicken wings / Fire Wings: 唔辣的 chicken wings 几好食, supposed-to-be-辣的 buffalo wings 就甜而不辣; 但最好食系 on the side 的 blue cheese dressing, 芝味极浓, 正! 用呢个送 tortilla, 比 spinach dip 仲好食
Caesar salad with Portobello Mushrooms: 唔够抢, 食唔到条状 portobello mushroms 又食唔到 croutons tim...
Shrimp Diablo: 即 penne a la creme with shrimps and Parmesan cheese... 虾十分爽口, penne 几有弹性, cream sauce 就杰而不够 buttery, Parmesan 芝味浓但落得唔够多, 总知到喉唔到肺啦.
Jumbo Lump Crabcake: 几欣赏蟹肉落得够多, 不过新鲜度真系麻麻, 又煎得唔够脆, 食落腍腍糊糊又带少少腥, 唧点柠檬汁或蘸点酸酸甜甜的 dressing 较好. On the side 唔知点解有堆湿湿的炒饭, 灯笼椒味强烈, 唔0岩食; 身边的 Y2 就话西兰花「好腍」, 我唔敢试了...
Ruby Minis: 袖珍版牛肉 burger 一客 4 件, 不过唔够分, 无食; on the side 的薯条就唔错, 脆口又够香薯味, 好食.
Chicken Minis: 呢个唔好食, 鸡 patty 唔止好硬好干, 仲无喱味道的; 好在个包烘得够松脆, 不错.
Colossal Burger: 包如其名的 colossal, 我0地咁多人, 每人都分到唔少! 牛肉 patty 厚厚的, cheddar 半溶, 不过肉味一般又无乜肉汁, 芝味亦唔特别突出, 好睇多过好食.
Cheddar fries: 芝士够溶, 芝味够, bacon bits 够香够多, 薯条够香, 配上 sour cream 几好食. 比起街边货 (http://www.openrice.com/restaurant/commentdetail.htm?commentid=1973737), 呢个当然好得多, 不过我始终觉得 (以前) Outback 的 cheese fries 比呢度好, 唔讲太多了.
跟得「甜魔」们食饭, 当然甜品先系主角, 整体水平亦比咸食好:-
Chocolate / Strawberry Tallcake: 呢度「名物」之一, 点可以错过? 巨杯内除0左 sponge cake 之外, 仲有劲多雪糕及 whipped cream; 两款中就以 strawberry 较好食, strawberry 味好香, 配上滑滑 vanilla 雪糕, 好食; 朱古力都不错, 不过可能期望太大, 朱古力味无想像中咁浓, 有少少失望.
Double chocolate cake: 貌似心太软, 实质为「扮心太软」, ie 实心 sponge cake 面头有一大 pat 朱古力浆. 朱古力味算 ok, 蛋糕够湿, 配上雪糕都及格的.
Strawberry & ice cream: 用 martini 杯 serve, 内有大量雪糕及 fresh strawberries. 试了少少 vanilla ice cream, 几香滑, ok 的.
Blondie: 即 sticky brownie with caramel, 暖暖的, 好黐牙, 味道好甜好甜, 果然系美国食物 @_@"
Brownie sundae: 系 chocolate brownie + vanilla ice cream, 全晚最浓朱古力味系佢, 亦系全晚最好食的一碟!
另外仲有朱古力及士多啤梨 ice cream sundae 3 大杯, 不过胃纳有限, 食唔落了. 话时话, 食友们真厉害...
Service 同环境都系咁, 灯光几黑, 影相好困难
用了食友 M 借出的 privilege pass, 50% off 埋了单, 每人夹了 $110, 劲抵. 虽然我觉得甜品唔系非吃不可, 但咁多人咁扫场法, 系几有趣又好开心的一晚 -- 多谢食友「囧」的安排!
张贴
