Odelice! (海之戀商場)

假日約會想過得有質感，今次就同男朋友一齊去食法國菜，享受一餐悠閒又Chill嘅法國餐。餐廳環境好有情調，燈火通明、座位寬敞，令人放鬆又舒服，好啱拍拖或慶祝日子磨菇湯忌廉磨菇湯加入咗煙肉粒，為湯底增添咗鹹香和肉香。磨菇味道濃郁，質地打得夠滑又唔會太杰，煙肉微微焦香，每啖都有雙重香氣，暖胃又夠豐富炸辣蟹肉球賣相精緻，但數量只有兩件，啱晒當開胃小點。外皮炸得酥脆乾身，唔油膩，入面蟹肉紮實，保留到鮮甜感，加上少少香辣提味，味道唔會太複雜但勝在平衡法國鴨肝、鴨肉漢堡配黑松露薯條鴨肉係嫩滑肉絲形式，鋪滿漢堡底層，肉味香濃但唔油膩。配料仲有薄切青瓜，為濃厚鴨肝增添清新感，層次感好豐富。鴨肝煎到外脆內滑，油香四溢但完全唔膩口。黑松露薯條炸得金黃，薄脆而且香氣撲鼻，越食越上癮阿根廷安格斯肉眼牛扒配薯條牛扒煎得恰到好處，肉味濃郁且多汁，帶點炭香味，肉質鬆軟中帶嚼勁，七成熟啱啱好。配埋簡單香草醬汁，已經好突出牛味，唔需要太多調味。炸薯條，外脆內綿，炸得乾身唔油膩