地點：上環必列者士街
菜式：意大利近地中海省份的菜式
餐牌：Set dinner$298另加一，包前菜9選1，主菜5選1或者意粉意飯12選1，同甜品4選1。某些菜式要加錢。飲品有雞尾酒，手工啤酒，咖啡茶，果汁等。
4
3
麵包每人兩片，暖暖地上枱，配自家製松露加巴馬臣芝士醬，食落又滑又香。
Italian Cold Cuts & Cheese Board
Mortadella, Parma ham, spicy salami, Taleggio, Gorgonzola
意式凍肉及芝士拼盤用木板仔上，三片唔同款火腿包括意式肉腸，巴馬火腿同辣莎樂美腸，全部大大塊，配有兩款軟芝士，酸洋蔥，酸燈籠椒，橄欖同兩片香脆多士，好豐富。
Seared Tuna 加$48 另加一
Lemon dressing, caper, rocket
吞拿魚賣相一流，一客八片，整得都差唔多全熟，加有洋蔥碎紅椒碎同橄欖，下底墊有火箭菜沙律，伴有番茄乾同檸檬一件。吞拿魚都算嫩，醬汁味道酸酸地，好開胃。
Crab Linguine 加$28 另加一
Chilli, basil, cherry tomato, EVOO
非常滑溜扁意粉撈有唔少車厘茄同埋好多蟹肉，加有好多香草同胡椒。味道微微辣，帶好清新檸檬味，口感豐富，好味道。
Prawn & Asparagus Risotto 加$38 另加一
Creamy lobster bisque
5隻燶面去殼蝦鹹香爽脆有海鮮味，燉飯醬汁豐富，龍蝦味夾雜好多蔬菜，包括車厘茄同蘆筍，口感微微辣，味道豐富，面頭灑上香草，非常好食。
Cheesecake
Strawberry coulis
大大件芝士蛋糕面頭加上士多啤梨醬，碟上面再加上紅莓醬同灑上糖霜。滑溜芝士蛋糕好滑，加上脆脆餅底同莓醬好美味，唔會太膩，口感似布丁。
Scoop of Ice Cream
雲呢拿味雪糕用一個standard雪糕杯裝住，肉眼都見到有粒粒雲呢拿籽，又香又滑。
鮮蘋果汁 $48 另加一
鮮蘋果汁係天然啡色，味道清甜。
A's Homemade Lemonade $38 另加一
檸檬水加有薄荷葉同檸檬一片，薄荷味好香。
今餐食品飲品都好好味。地方位於半山上，好清靜。餐廳環境半開放，感覺好chill。外籍服務員態度友好。
