地點：銅鑼灣登龍街
菜式：泰式cafe
餐牌：多士，刨冰，招牌甜品，牛角窩夫，班戟，飲品同其他甜品。
2
自己去收銀落單比錢，講低枱面號碼牌就會有專人送上。呢度有自助清茶可以清清味蕾，微微甜，都幾好飲。
平日下午三點幾直入。
芒果糯米飯刨冰 $148
餐牌話芒果糯米飯刨冰係Best Seller，叫左Original Size，刨冰份量都好細碗，看似好綿密，上面加上厚身唔融既白色糯米味忌廉，加上幾粒糯米同一片薄荷葉。另上一細兜芒果醬同白色糯米味忌廉，唔夠再加。刨冰淺黃色，原來已經加左芒果糯米飯味道，調得幾好，口感係非常綿。冰中心有少少真正芒果糯米飯，糯米飯好煙韌，椰汁味好香，仲伴有芒果粒。
味道係幾好，都幾特別。價錢唔平，因為份量唔多。不過無每人最低消費。
