The Point - Pizza & Pasta (將軍澳中心) (已結業)

今日天气冻到痴左线，所以喺楼下食，一向酒鬼既我见到门外嘅柜摆满好多酒，非常吸引，就决定入去食晚餐。餐厅环境非常阔落，楼底非常高，空间感十足。墙身有一啲类似希腊神话嘅painting，系餐厅一个特色。今次点嘅菜冇咁大众化，并唔系pizza、扒等等。首先上菜嘅系红酒烩和牛肋肉配蚬壳粉，蚬壳粉非常索汁，口感偏硬，main point系和牛肋肉，非常软身入味，红酒汁令和牛更香，更惹味。之前食过其他餐厅既chicken lillipop，但the point既chicken lilipop应该系最出色，咬一咬就可以将肉同骨分离，外皮酥脆，蜜糖烧烤酱更加画龙点睛，酸酸甜甜味道同鸡肉非常配合。食西餐第一次叫汤饭，饭浸系汤入面依然保持脆口，汤饭内有大虾、蚬、青口同三文鱼腩，所以汤充满海鲜味，非常鲜甜。分量亦非常足够。只虾真系非常大只。下次再想食fancy既食物，一定黎呢度the only point。